Ua lē talia e le Faamasinoga o Talosaga poo le Faamasinoga Apili a le Faamasinoga Maualuga a le atunuu le talosaga a le susuga Petaia Setu e ala i lana loia, ina ia toe faia se iloiloga i le faaiuga ua mae’a fofogaina na faamaonia ai moliaga o le fai’aiga fai faamalosi ma le faao’olima matagā sa molia ai lē ua talosaga.
Sa faavae le finauga o le apili i le mau e faapea sa pitotasi le silasila a le laulau o faatonu ma le faamasino na feagai ma su’esu’ega o moliaga ma taunuu ai i le faai’uga e faamaonia tuua’iga. Peitai ua faailoa e le Faamasinoga o Talosaga toe iloilo a le faamasinoga maualuga o le latou iloiloga i le faafoeina o taualumaga o le su’esu’eina o molimau, ma folasaga faai’u a loia ma le folasaga a le afioga i le faamasino na feagai ma lea mataupu tau faamasinoga o soligatulafono; sa faia e tusa o ala manino o le tulafono o loo faafoe ai su’esu’ega a le faamasinoga i le su’esu’eina o ni moliaga.
O le mafuaaga lea ua tē’ena ai mau na faavae ai le apili ma ua taatia atu nei i le galuega mulimuli o loo totoe o le tāpena o se faai’uga i se faasalaga.
Comments
Loading comments…