O le taua faasaga i solitulafono tau i nakoti poo fualaau faasāina ona o aafiaga ogaoga i le soifua saogalemu ma le soifua lelei o ō tatou tagata aemaise tupulaga lalovaoa o le tatou atunuu, ua faalogoina ai i manatu fa’aalia le toe faaofi o le faasalaga oti e avea ma togisala i se tasi poo nisi e tele ma anoanoai ni fualaau faasāina e faamaonia ua na faafailele ma umia.
Ua fa’aalia e le Ofisa Sili o le Pulega o le Matagaluega o Faamasinoga ma le Faafoeina o mataupu tau i le Faamasinoga, o loo fuafua nei e faia se iloiloga i le tulafono o faasalaga o moliaga solitulafono e aofia ai ma nakoti; ma o le faasalaga oti lē tasi o faasalaga mamafa mo fualaau faasāina o le a aofia i lea iloiloga e lei faamautūina se taimi e faatino ai.
Advertisement
