O le filifilia ai o le sui faipule o Faasaleleaga 4 o se toe ulutaia o le saofa’iga o sui usufono o le paeaiga 18 a le fono aoao faitulafono e avea ma Minisita mo le Ofisa o le Komesina o Sulufa’iga, na afea ai e le Minisita ma lana Minisita lagolago lea auaunaga tāua ma feiloai ai ma le Komesina o Siulufaiga ma le pulega.
Ua faailoa i se pepa o faasalalauga mai lea ofisa o le malo, na saunoa ai le Minisita le afioga Tea To’oala Peato i lea feiloa’iga ma ia faailoa ai le tāua o le galulue faatasi o Matagaluega auma a le malo i le faamalosia atili o pulega lelei i le tulaga o le tali atu,ma le tasi o itu tāua o le unaia o le puipuia o aiā tatau o tagata.
O le tasi lea o auaunaga a le Ofisa o le Komesina o Sulufaiga o le mata’itūina o aafiaga o aiā tatau o tagata e pei ona avanoa mo le lautele o le atunuu e afea mo ni suesuega ma ni fautuaga ini mataupu e aafia ai aia tatau.
O le afioga Tea To’oala Peato o le Minisita o le Ofisa o le Komesina o Sulufa’iga ma le ofisa o le fono aoao faitulafono, ma o loo avea ma ana Minisita Lagolago le sui faipule o Safata 2 le afioga Tuia Pu’a Fuatogi Letoa.
