Ua fa’ailoa e le Matagaluega o Leoleo, Falepuipui ma le Toefuata’ina le faia o su’esu’ega e sā’ilia ai le mafua’aga tonu o le maliu o se taule’ale’a na maua i se vaega o le vaitafe o Fuluasou i le Aso Lua o le vaiaso nei.

Ua ave ai le talosaga a leoleo i le atunu’u aemaise nisi o latou silafia ni fa’amatalaga fa’atatau i le taule’ale’a ua fano le soifua.

Ua ave le tu’ualalo a le Matagaluega i lo tatou atunu’u e taumamao ma le faia o ni tala fa’atupu e le mo ni ta’ita’i sesę ai tagata a’o tālia le taunu’uga o su’esu’ega e fa’amautū tonu ai le mafua’aga o le maliu.