O le aso Tofi o le vaiaso nei ua faamoemoe e tuua ai le atunuu e le ta’ita’i malaga o le tatou au lakapi o le Manu Samoa ma nisi o le pulega faapea le tama ta’alo ua filifilia atu mai Samoa mo le ta’amilosaga o le Pacific Nations e faia i Europa i le masina fou o Novema.

Ua fa’ailoa e le ta’ita’i malaga le afioga, Su’a Hesed Ieremia o Niu Sila o loo faamautū ai nisi o le au lea o le latou malaga faatasi i Lonetona ma feiloai ai ma isi tama filifilia o le Manu Samoa mai isi atunu’u o loo ta’aalo ai i kalapu, ona tapena ai lea mo le ta’amilosaga.

O le tapena ai o le Manu Samoa i le ta’amilosaga i Europa na fesiligia ai le ta’ita’i malaga i le tulaga tau tupe o loo fa’atino ai le malaga, ina ua motusia le lagolago tau tupe a le malo i le Lakapi Samoa.

O se finagalo o le ta’ita’i malaga afioga, Su’a Hesed Ieremia, o le Manu Samoa i se fa’atalanoaga a’o sauni ai le ‘au lakapi tele a le atunu’u i le ta’amilosaga o le Pacific Nations Cup i e vae i Europa ma fa’aauau ai ana tapenaga i le Ipu o le lalolagi e faia i Ausetalia i le tausaga fou 2027.