O se tala fiafia i le tausinioga o le ta’aloga si’osi’omaga o le powerlifting a atunu’u o le Oceania o lo’o faia i Fiti, ua ausia ai e le ‘au a Samoa le pine auro na manumalo ai Oliva Kirisone, ae pine siliva le ali’i o Benito Rudolf Aldolf Krieg.
Ua ave ai le faafetai ma le faamalo a le faalapotopotoga o lea taaloga i Samoa i ana ‘au lagolago i psinisi ma e na agalelei atu i le faatupeina o le latou au masi’i ua maua ai ia pine mo le igoa ta’uleleia o Samoa i fa’alagamaea o ta’aloga fa’avaomalo.
O le pine auro ma le pine siliva na manumalo ai le ‘au powerlift a Samoa i le mae’a o tausinioga o le aso muamua o le ta’amilosaga. E to’alima le ‘au masi’i a le atunu’u i ia ta’aloga fa’avaomalo o lo’o tausiniō ai ali’i ma tama’ita’i mai atunu’u e 11 e aofia nisi o motu o teritori i totonu o le lio o atunu’u o le oceania.
O le Aso Gafua o lenei vaiaso na amatalia ai ae faamoemoe e mae’a i le Aso Faraile o le vaiaso nei. O loo tausiniō ai ‘au mai Ausetalia ma Niu Sila, faapea Fti, Kilipati, Niukaletonia, Naoero, Niue, Solomona, Tuvalu Tahiti ma Samoa.
Comments
Loading comments…