O loo fa’agasolo i Samoa le pu’eina o le ata tifaga o se feature film ua fa’aigoaina o le “Sweet Lips”, ma o se tala na tusia e se tama fanau a Samoa e iai ona tomai i le faia o ata tifaga le susuga Tusi Tamasese, o ia foi o loo avea ma fa’atonu poo le Director i le pu’eina o le ata tifaga.

O producers poo ē o loo galulue e tu’u fa’atasia le ata o se tama’ita’i Niu Sila o Catherine Fitzgerald ma se tau’aiga o le ali’i fa’atonu o le ata o le afioga Mulipola Maea Tamasese. O fa’amaumauga i luga o upega tafāilagi o loo fa’ailoa ai o le Sweet Lips o se tala i se tama’ita’i Samoa e 19 ona tausaga sa ia te ia le tomai o le siva ma le su’isu’i ma sa soifua i Samoa i le taimi o pulega faakolone a’o feagai le atunu’u ma lana sa’iligāmalo i le fia maua o sona tutoatasi i le vaitau o le tausaga e 1929.

The NZ High Commissioner Si’alei van Toor visited the film set of ‘Sweet Lips’ this week, a Samoan-NZ film written and directed by NZ based Samoan film maker Tusi Tamasese and producers Catherine Fitzgerald and Mulipola Maea Tamasese. Photo: New Zealand High Commission in Samoa

O le galuega su’isu’i a le tama’ita’i Samoa e faato’a iloa lona suafa pe a mae’a ona pu’e le ata tifaga ma fa’asalalau, sa maua ai si tupe e ola ma atina’e ai lona aiga a’o sa’ili so tatou malo tutoatasi. Sa āsia e le sui o le malo o Niu Sila i Samoa le tama’ita’i Komesina maualuga o Si’alei van Toor i le vaiaso ua mavae le nofoaga o loo pu’eina ai le ata tifaga, o loo faatupe e le NZ on Air ma le Komisi o ata tifaga a le malo o Niu Sila.

E le’o mafai ona fa’ailoaina fa’alauaitele tagata o loo fa’atinoina le ata tifaga poo actors. E le o fa’ailoaina foi le umi e fa’agasolo ai le pu’eina o le tala Sweet Lips o le a maimoaina lona fa’atinoga i lea ata tifaga.

O Tusi Tamasese sa ia tusia ma faatonu le tasi o tala na avea foi ma ata tifaga o le Tulafale poo le Orator o loo fa’aaoga ai le gagana Samoa.