I le fa’amaonia o moliaga o le fai’aiga fai faamalosi, o le faia o se feso’otaiga tau fai’aiga solitulafono ma le faao’olima matagā, o le Aso Lulu o lenei vaiaso na lauina ai le fa’asalaga o Petaia Setu, 68 tausaga o le soifua ma ua nofosala i le falepuipui mo le umi e iva tausaga.

O le faaiuga lea i le faasalaga ina ua tē’ena e le fa’amasinoga o talosaga apili a le Faamasinoga Maualuga le talosaga a lē ua nofosala sa toe lu’iina ai le fa’amaonia o ona moliaga peita’i sa tē’ena lea talosaga apili.

O Petaia Setu sa avea ma faifeau o le ekalesia Metotisi fou ma e tupu le solitulafono ma molia ai e leoleo o loo galue i le tausiga o le ekalesia i Vaitele fou.

Fa’aalia i tōlaulauga o le faai’uga o le 16 o tausaga o le teineititi na aafia ai i gaioiga solitulafono na fa’atino e lē ua molia.

E lau le faai’uga i le fa’asalaga o loo nofo taofia Petaia Setu i le va’aiga a leoleo.