E pei ona masani ai i tausaga ta’itasi o le Aso Gafua, le aso mālōlō o le lotu a tamaiti i Samoa e fa’ailoa lautele ai e le Pulega o le Kolisi Fa’afaifeau i Malua a le Ekalesia Faapotopotoga Kerisiano i Samoa le lisi o suafa o i latou ua pasi le su’ega e ulufale ai i le kolisi; e pei ona fa’ailoa i le Aso Gafua o lenei vaiaso tama tane e tolusefulu ua fa’amanuiaina.

O lea aofa’iga ua pasi le suega ulufale ua aofia ai le toasefululua mai matagaluega i Niu Sila ma Ausetalia ma le to’asefuluvalu i Samoa.

O Matagaluega i Niu Sila ua manuia o latou sui na su’e o Manukau, Laumua o Aotearoa, Niu Sila i Saute, ma Aukilani. O Ausetalia o Matagaluega ua manuia o latou sui sa su’e i le suega ulufale o Kuiniselani i Saute, Niusauelese, Vitoria, Niusauelese i Sisifo, ma Kuiniselani.

O le masina amata o le tausaga fou 2027 e faia ai le ta’utinoga mo le tolusefulu ua pasi le suega ulufale ma faamautu ai le talia i totonu o le kolisi fa’afaifeau i Malua mo le tau’aveina o aoaoga i le tauaveina o le galuega faafaifeau mo le umi e fa tausaga.