O le tausaga e 2023 na ulua’i tofia ai le afioga Tuala Tamaalelagi Siaki Tuala II, e avea ma Ofisa Sili o le Pulega e Fa’afoeina Taaloga Faitupe ‘Ese’ese i Samoa, le Samoa Gambling Authority mo le 3 tausaga, ae peita’i o le mae’a fa’asalalau o le avanoa ma faia fa’atalanoaga mo ē na tusi talosaga, ua toe ave le fa’atuatuaga o le malo e tau’ave pea e lea tamali’i le tulaga Ofisa Sili na te pulea ai lea auaunaga a le malo mo le isi 3 tausaga.

Ua fa’ailoa e le Ofisa Sooupu o le malo, o se tamāli’i ua lava lona silafia i le fa’afoeina o lea auaunaga, ma ua loa fo’i lona sao i auala ‘ese’ese e si’itia mauāluga ai galuega fa’atino a le Pulega e Fa’afoeina Ta’aloga ‘Ese’ese Faitupe i lo tatou atunu’u.

O lo’o ia umia nisi o Fa’ailoga Tauāloa e aofia ai le; Matuaofaiva i le Fa’afoeina o Pisinisi mai le Iunivesite o Southern i Kuiniselani i Ausetalia.