Ua masi’i atu i le atunu’u o Iapani i le taamilosaga lakapi ta’ito’afitu a le lalolagi mo tagata logonoa, le ‘au mai Samoa ma fa’amanuiaga a le malo, a’o tapua’ia le alofaiva o tama fanau a le atunu’u e logonoa ua filifilia e fai ma ave fu’a a Samoa i ia ta’aloga fa’avaomalo.

O le afiafi o le Aso Gafua i le nofoaga tūtotonu o le fa’alapotopotoga o ta’aloga a Samoa le SASNOC, na fa’amavae atu ai le ta’ita’i o le malo i le pulega ma le ‘au lakapi ta’ito’afitu a ē logonoa ma moomooga lelei ia manuia le fa’amoemoe.

E lima sefulu afe tālā ua foa’i e le malo e fesoasoani i tapenaga a le au lea ua filifilia iai :

Vitaliano Lui – Lotopa

Daniel Mataia – Moamoa

Tusi Fiaui – Sataua/Nu’u-Fou

Poka Kalolo Tuifelasai – Leauvaa

Kelemeta Tema – Afega

Evi Enesi Sio – Neiafu/Aleisa

Ionatana Leotele – Talimatau/Taga

Vailoa Filipetelo -Toamua/Faleula

Meletia Vauivale – Lano/ Salailua

Faofua Faalafi – Malie/ Vaiala

Olive Seigafo Mavaega –Afega


Faiaoga Ulu– Leaupepe Alesana Tuilagi

O le fa’aiuga o le masina nei o Oketopa e fa’agasolo ai lea tausinioga i le lakapi ta’ito’afitu a le lalolagi mo tagata e logonoa.