Ministry of the prime minister & Cabinet
samoa

TEUTEUGA O LE POLOAIGA O FAALAVELAVE FA’AFUASE’I MO LE CORONAVIRUS, (KOVITI-19) – 30 Mati 2020

O le’a  amata ile Aso Lulu 15 Aperila ona faia faigamalaga a vaa laupasese ile va o Upolu ma Savai’i., peitai e iai ona tu’utuuga e aofia ai  le faataua ole malu puipuia o tina ma tama matutua.

O se tasi for o teuteuga fou ua faatulafonoina o le toe tatala lea o le auaunaga a pasi laupasese ma e iai foi tu’utuga e tatau ona mulimulitaia.

E le gata I lea ua faamaonia itulau e tatala ai faleoloa Super Maketi, Maketi I’a ma Maketi mo fefaatauaiga o fua o faaeleeleaga ae e iai foi tu’utuuga.

Ole otootoga lea o teuteuga fou ua faatulafonoina o le Poloaiga o Faalavelave Fa’afuasei mo le Koviti 19 (Coronavirus) ua faatulafonoina e le Ao Mamalu ole Malo, le Tuimaleali’ifano Va’aletoa Sualauvi II ile afiafi nei.

  1. Femalagaiga Faalotoifale i Vaa:
  2. Tatala femalagaiga mo tagata lautele, vagana ai tagata matutua ua 60 tausaga pe sili atu ia usitaia pea tapu i lalo o le poloaiga 8 (Falema’i, ma’i, tausima’i ma siigama’i).  Afai e malaga le au matutua (penisione) ona o nisi mafuaaga, ona totogi lava lea e le tagata lona pasese o le vaa, e lē faaaogaina ai le ID penisione e malaga fua ai;
  1. Le tatalaina o femalagaiga o vaa i le va o Upolu ma Savaii mo aso e 4 o le vaiaso e aofia ai le Aso Gafua, Aso Lulu, Aso Faraile ma Aso Toonai mo faigamalaga masani. O le aofai o pasese o vaa o loo auiliili atu i lalo:

1. Lady Samoa III-100 pasese (e lē aofia ai avetaavale)

2. Lady Naomi-60 pasese (e lē aofia ai avetaavale)

3. MV SSC40 ma le Fotu o Samoa e 20 pasese (e lē aofia ai avetaavale)

  1. Le tapu ona toe feoai vaa i le va o Upolu ma Savaii i le Aso Sa;
  1. Le faamamaluina o le 2 mita le va o tagata (social distancing) ma le aofai talafeagai o pasese (faataitaiga: o le vaa lau pasese e 200 le aofaiga o le pasese masani, ae ua tuuitiitia i le 60 le aofaiga o le pasese).
  • Maketi ma Faleoloa Supamaketi:
  • Le tatalaina o itula faatapulaa mo maketi ma supamaketi (markets and supermarkets) uma mai le 6:00 i le taeao i le 6:00 i le afiafi.  O maketi uma e aofia ai (Maketi Savalalo, Maketi Fugalei, Maketi Salelologa, Maketi Vaitele, Maketi Taufusi, e tapunia i le Aso Sa e aofia ai ma le Maketi o I’a i Savalalo, Vaigaga, Fasitoo Uta, Afega ma isi nofoaga o loo faatauina ai I’a.
  1. Le taimi faatapulaa e tatalaina ai supamaketi (supermarkets) i Aso Sa mai le 3:00 i le aoauli i le 6:00 i le afiafi.
  2. Pasi:
  3. Le tatalaina o femalagaiga a pasi la’u pasese ae na o le 20 le aofaiga o le pasese faatulagaina e mafai ona tauaveina.  E faamuta malaga mulimuli uma a pasi i le itula e 5:30 i le afiafi;
  4. Le tapu ona toe feoai pasi i le Aso Sa;
  5. Le unaia e le au faipisinisi pasi, le faamamaluina o le 2 mita le va o tagata (social distancing) ma ia tausisia le aofaiga o pasese i le 20 tagata.
  6. Faleaiga:
  7. Le tatalaina o faleaiga (restaurants) mai le 6:00 i le taeao seia oo i le 9:30 i le po;
  8. Aufaigaluega a le Malo:

Ua taoto atu i le Komisi o Galuega a le Malo e taga’i i suiga talafeagai o taimi faigaluega ma tiute o tagata faigaluega a le Malo.

Mo le silafia e le atunuu e pau nei o suiga fou ole Poloaiga ae o loo tumau tapu e pei ona faatulafonoina I Poloaiga ua mavae.

O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.

TEUTEUGA O LE POLOAIGA O FAALAVELAVE FA’AFUASE’I MO LE CORONAVIRUS, (KOVITI-19) – 30 Mati 2020
Click to comment

Leave a Reply

Your email address will not be published. Required fields are marked *

To Top