samoa

TEUTEUGA O LE POLOAIGA O FAALAVELAVE FA’AFUASE’I MO LE CORONAVIRUS, (KOVITI-19) – 13 Me 2020

OFISA O LE SO’OUPU; I luga o le fautuaga a le Kapeneta FK (20) Faapitoa 23, ma le Mataupu 106 o le Tulafono Fa’avae, ua faatulafonoina ai ele Ao Mamalu o le Malo, Tuimalealiifano Vaaletoa Sualauvi II ile afiafi nei suiga o nisi o poloaiga o Faalavelave Faafuasei mo le faamai o le COVID19 e pei ona faailoa atu i lalo:

  1. Taaloga
  2. Le tatala uma o taaloga i le atunuu sei vagana ai taaloga lakapi, soka, fusuaga, wrestling, judo, taekwondo e lē faatagaina seia toe maua atu se isi faaaliga.
  1. Street Vendors
  2. Le tapu ona iai ni tagata e faatau savali a latou oloa i le Taulaga o Apia, pe faaaoga footpaths ma islands e faatau ai a latou oloa.
  • O vaega o le Taulaga e aofia i lenei tapu e afua mai i Mulinuu e faapau mai i le Malumalu o le Ekalesia EFKS Apia, ma aga’i atu i Taufusi i le vaega o loo iai le maketi a Ah Liki, ma aga atu i Fugalei.
  1. Vaa Faila
  2. Le faataga mai o le vaa faila (Luxury Super Yacht) o le Douce France mo nā o le utuina ma toe tuua le atunuu. E lē faatagaina ona o ese mai le auvaa mai le vaa. E faaauau pea le faatinoina o puipuiga masani a le Matagaluega o le Soifua Maloloina mo le ofi mai o lenei vaa i Samoa nei.
  1. Casino

a)    Le tatala o le casino i aso o le vaiaso e amata atu i le 4:00 i le afiafi ae tapuni i le 10:00 i le po, sei vagana le Aso Sa e lē tatalaina ai.  Ia tausisia pea le faamamaluina o le va o tagata (social distancing).

  • Taaloga Bingo
  • Le tatala o taaloga bingo mo nā o Aso Toonai i le ao, ae faagata i le 5.00pm i le afiafi. Ia tausisia pea le va o tagata (social distancing).
  • Faigamalaga a le Vaalele (Air New Zealand) i le Aso 22 Me 2020
  • E faatumau pea aiaiga na mua’i tuuina atu i le poloaiga talu ai.

vii. Faatauina o le Ava Malosi

  1. Le faatauina o le ava malosi i soo se faleoloa ma Faletalimalo mai le Aso Gafua i le Aso Toonai mai le 6:00 i le taeao i le 10:00 i le po.

e)    Le faasaina ona faatauina le ava malosi i totonu o faletalimalo ma soo se faleoloa i le Aso Sa.

            viii. Faasalaga o le solia o Aiaiga mo Mandatory Isolation

  1. Le faasalaina o soo se tasi e solia aiaiga ua tuuina atu i lalo o poloaiga (orders) mo le faanofoesea (quarantine) i le faasalaga tupe e $2,000.00.

E faatumauina pea isi aiaiga o Poloaiga o Faalavelave Faafuase’i na mua’i tuuina atu.

Le amata faamamaluina o nei suiga i le Aso Tofi 14 Me 2020 seia toe iai se isi faaaliga.

O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.

Mo le silafia ele atunuu ole aotelega lenei ole Poloaiga e aofia ai ma suiga fou e pei ona faatulafonoina;

POLOAIGA

  1. Vaiaso Anapogi ma le Tatalo:

Ia faamamaluina  e aiga uma o Samoa, le vaiaso anapogi ma tatalo mai le Aso Sa 22 Mati 2020 i le Aso Sa 29 Mati 2020, mai le 6.00 i le taeao seia aulia le 12.00 i le aoauli.

  • Femalagaiga Faavaomalo vaalele ma vaa a lalo:
  • Sei vagana ni tulaga faanatinati e tatau ai ona faataga e le Kapeneta, e tapunia femalagaiga faavaomalo i vaalele.
  • Mo se faaiuga a le Kapeneta e faatauaina vaega nei:
    • Mo pasese e toe foi mai i Samoa:
      • e na o tagata nofo mau i Samoa (returning residents) ma o loo umia pepa malaga toe foi mai mo vaalele e faataga ona ulufale mai
      • ua maea taimi faatagaina o pemita;
      • o auaunaga manaomia mo Samoa;
      • ma isi mafuaaga e tatau ai ina malaga mai i Samoa.
  • O aiaiga nei e tatau ona mataituina mo pasese taitasi:
  • Faamaoniga sa fai se COVID 19 test i totonu o le tolu (3) o aso ao lei malaga mai i Samoa; ma
  • Faamaoniga sa nofoesea (quarantine) mo le 14 aso a o lei malaga mai i Samoa;

(iii) e tatau ona toe faanofoesea pe a taunuu mai i Samoa mo le isi 14 aso.

(3)  Ua tapu le toe ulufale mai o soo se ituaiga vaa sei vagana ai:

  • vaa oloa ma vaa suauu; ma
  • vaa fagota mo le la’u ese o a latou uta (offload) ma le utuina (refuel) ma mo sapalai moomia; ma
  • nisi ituaiga vaa, e aofia ai vaa failā ma nisi, e faamaonia e le Kapeneta mo le utuina (refuel).

(4) Mo vaa fagota e faatagaina i lalo o le (3)(e) o aiaiga nei e tatau ona mataituina:

  • e tai lua (2) vaa i le aso ma ia usitaia siaki mo le soifua maloloina (quarantine); ma

(e) tapu ona o ese le auvaa mai i le vaa; ma

  • faamalosia le tuuina mai o le polokalame o femalagaiga o vaa fagota e fia ofi mai i le atunuu i le Pulega o Uafu, Matagaluega o Faatoaga ma Faigafaiva, Matagaluega o Leoleo ma Falepuipui, ma le Matagaluega o Soifua Maloloina; ma
  • ia lē i lalo ifo o le 28 aso talu ona tuua e le vaa fagota le uafu mulimuli sa taula ai, poo se fesuiaiga o le auvaa a o lei taunuu mai i le uafu i Matautu; ma
  • ia faailoa mai le talosaga a soo se vaa fagota i le Pulega o Uafu ma le Matagaluega o Faatoaga ma Faigafaiva e fia ulufale mai i Samoa I totonu o le lima (5) aso ao lei taunuu mai i le uafu i Matautu; ma

(f) e tapu le fesuiai o auvaa i ogasami poo nisi galuega faatino i luga o le vaa e aofia ai isi vaa fagota.

(5) Ua faatonuina le Matagaluega o le Soifua Maloloina ina ia matua faamalosia puipuiga mo tagata uma.

  • Potopotoga i nofoaga faitele:
  • E tatala o tapuaiga (lotu) i tuutuuga nei:
    • e tasi le sauniga lotu i le Aso Sapati (faataitaiga, SDA – Aso Toonai, EFKS – Aso Sā); ma

(e) e fautuaina le fuafuaina lelei le vā o tagata taitoatasi; ma

(i) e fautuaina pea le taofia o potopotoga i fafo o malumalu tapuai ao lei amata pe maea ai foi sauniga, po o nisi faamoemoe o Ekalesia e ese mai i tapuaiga; ma

(o) e lafo atu i faifeau latou te faamalosia le faamamaluina o le vā o tagata i totonu o malumalu tapuai.

  • E tapu le faia o ni potopotoga i nofoaga faitele uma e sili atu ile lima (5) tagata mo faamoemoe nei:
    • maliu, saofai, aso fanau, faaipoipoga, faatasiga aiga (reunion); ma

(e) faaulufalega poo le umusaga.

  • E tapu ona faatino ni taaloga tau tupe sei vagana taaloga o loo taua i lalo:
    • Taaloga bingo i lalo o aiaiga nei:
      • faatino i le Aso Toonai; ma
      • faagata i le 5.00 i le afiafi; ma
      • ia tausisia le va faatulagaina o tagata (social distancing);

(e) taaloga i casino i aiaiga nei:

i. tatala mai le Aso Gafua i le Aso Toonai, mai i le itula e 4:00 i le afiafi, i le itula e 10:00 i le po;

ii. . ae tapu le Aso Sa;

iii. ia tausisia le va faatulagaina o tagata (social distancing).

  • Ua tatala taaloga uma sei vagana ai lakapi, soka, fusuaga, piiga (wrestling), judo, taekwondo e tumau pea ona tapu.
  • E tatala le taeele i matafaga ma vaitafe i aso uma o le vaiaso ae tapu i le Aso Sā.
  • Ua tapu nei ona toe tatala ni fale kalapu, faletifaga ma falepia, ma soo se ituaiga faafiafiaga uma e ono tumutumu iai tagata.
  • O pā pia i totonu o fale talimalo e mafai ona tatala mai le Aso Gafua i le Aso Toonai ae tapunia i le 10:00 i le po.  E tapu ona tatala i le Aso Sa.
  • E tatala fale’aiga mo taumafataga ma le oka e aveese (take away) mai i le  6.00 i le taeao i le 10.00 i le po ma e tatau i faipisinisi o fale’aiga ona mataituina ma faamamaluina le 2 mita o le vā o tagata (social distancing). 
  • Ua tapu nei ona toe tumutumu tagata i nofoaga o femalagaiga e pei o malaevaalele ma uafu, se’i vaganā o tagata e malaga.
  • Femalagaiga faalotoifale:

Pasi ma Taavale laupasese

  • Mo auaunaga o pasi:
    • ua tatala le femalagaiga o pasi i taimi masani; ma

(e) e tapu le feoai o pasi i le Aso Sā.

  • E faataga le faaaogaina o taavale la’u pasese laiti, e i lalo o le lima (5) pasese, ma taavale a aiga pe a moomia.

Vaa

  • O femalagaiga i tagata lautele i luga o Vaa i le vā o Upolu ma Savaii i lalo o aiaiga nei:
    • e tapu le feoai o vaa i le Aso Sā; mai

(e) mai le Aso Gafua i le Aso Toonai e feoai vaa i taimi masani;

(i)  e tatau i le Ofisa o Va’a ona mataituina ma faamamaluina le 2 mita o le vā o tagata (social distancing) i taimi o femalagaiga.

  • Mo tagata uma e 60 tausaga ma luga atu, e fautuaina pea le usitaia  o aiaiga o le poloaiga 8 (malaga mo se togafitiga matuā moomia mo mafuaaga tau soifua maloloina).

(5) Soo se tagata penisione e malaga mo se mafuaaga e i fafo atu o aiaiga o le Poloaiga 8, o le a lē agavaa i le malaga fua i lalo o le tulaga tau penisione.

  • Maketi, Faleoloa, Supamaketi ma Pisinisi:
  • Mo maketi uma:
    •  e aofia ai maketi i Savalalo, Fugalei, Salelologa, Vaitele, Taufusi ma Afega, maketi o i’a ma isi ituaiga maketi i nofoaga faitele:

(i) e faatapulaa itula e tatala ai mai le 6.00 i le taeao i le 6.00 ile afiafi; ma

(ii) ua tapu ona toe momoe ai nisi i nei nofoaga i le po;

(e) e tapu ona tatala i le Aso Sā e aofia ai:

(i) maketi i Savalalo, Fugalei, Salelologa, Vaitele. Taufusi; ma

(ii) maketi o i’a i Savalalo, Vaigaga, Fasitoo-Uta, Afega ma so’o se faatauga i’a i autafa o auala; ma

(iii) so’o se ituaiga maketi i nofoaga faitele.

  • Mo Supamaketi:
    • mai le Aso Gafua i le Aso Toonai e tatala i le 6.00 i le taeao – 6.00 i le afiafi; ma

(e) mo le Aso Sā, e tatala i le 3.00 i le aoauli –  7.00 i le afiafi; ma

(i) mo faleoloa laiti, e faaauau fefa’atauaiga i taimi masani.

(3) E tapu ona tatala soo se pisinisi i le Aso Sā vagana:

(a) faleoloa laiti, e fa’aauau fefa’atauaiga i taimi masani; ma

(e) Supamaketi i taimi faatapula’a ua taua i luga i le (2)(e).

(4) Mo le faatinoina o lenei poloaiga:

(a) o le “Supamaketi” e faatatau i fale oloa e faaoga faitotoa e ulufale atu ai le tagata e fa’atau ai oloa (groceries ma isi);

(e) “faleoloa laiti” o faleoloa e le o iai ni faitotoa mo le ulufale o tagata ae  tu le tagata faatau i fafo o le faamalama ma fai lana faatau.

  • Faatau oloa i magaala ma tafaala:
  • Ua tapu nei ona toe fa’atau savali, pe toe faatau ni oloa i magaala ma tafaala o le taulaga i Apia e afua atu i Mulinuu, seia paia le EFKS Apia, Taufusi e aofia ai ma le Maketi a Ah Liki seia paia Fugalei.
  • Ua matuā tapu ona toe faatau savali e tamaiti ni oloa i soo se taimi.
  • Faatauina o le Ava Malosi:
  • O le faatauina o le ava malosi i soo se faleoloa (faleoloa laiti ma supamaketi) ma pa pia i totonu o Faletalimalo e faatauina i aiaiga nei:
    • e na o le Aso Gafua i le Aso Toonai ae tapunia i le 10:00 i le po; ma
      • E tapu le Aso Sā.
  • Aoga:
  • E tatala uma aoga i Samoa i le aso Gafua 4 Me 2020 seia iai se isi faaliga.
  • E tuuina atu i le Matagaluega o Aoga, Taaloga ma Aganuu:
  • tapenaina o polokalame ma faatualagaga o aso taitasi e faatino ai aoga mo aoga uma (ekalesia, aoga tumaoti); ma

(e) unaia le mulimulitaia o le va o tamaiti (social distancing) i potu aoga e atagia ai puipuiga mai le faamai.

  • E fautuaina matua i le faaaogaina o taavale e momoli ai fanau pe a mafai, ina ia faaitiitia ai le tumutumu i pasi ma nofoaga faitele.
  • Ia faaiititia le soona tumutumu o tamaiti aoga i nofoaga faitele e pei o fale faatalipasi ma maketi.
  • Falema’i, ma’i, tausima’i ma siigama’i:
  • Ia faaitiitia le soona feoai, ae maise i latou ua 60 tausaga ma sili atu le matutua, se’i vagana ua mātuā moomia ona vaai se fomai.
  • Ua matua tapu ona toe ulufale se tagata i soo se falema’i sei vaganā ai, ua moomia ona vaai se foma’i.
  • Mo le tagata ua taofia:
    • ua nā o le tasi le tagata tausima’i e faataga; ma

(e) e nā o le toalua (2) tagata e faataga mo asiga.

  • Ua taofia ona toe auina atu i Niu Sila o gasegase mo togafitiga i lalo o le Polokalame masani le Malo, seia toe iai se isi faaliga.
  1. Aiaiga mo galuega a le Malo:
  2. Ia faatino e le Komisi o Galuega a le Aufaigaluega a le Malo, (“Komisi”) ni aiaiga e alagatatau ona faatino mo tagata faigaluega a le Malo, e faitiitia ai le ono pipisi o le fa’ama’i e pei o le galulue mai i le fale e faaaoga ai initaneti.
  3. O aiaiga e faataatia e le Komisi, e aiaia uma ai Ofisa ma Matagaluega a

le Malo.

  • Ua taofia uma malaga faalemalo i atunuu i fafo seia toe iai se isi faaaliga.
  1. Tiute o le Matagaluega o Soifua Maloloina:

Ia faatinoina e le Matagaluega o Soifua Maloloina le unaia o polokalame falauiloa o le puipuiga o le pipisi o le fa’ama’i o le Korona Vairasi 19, mo

le nofo silafia o le atunu’u.

  1. Malosia’ga o le Matagaluega o Leoleo:

Ua tuuina atu ile Matagaluega o Leoleo le malosiaga e faatino ai le mata’ituina o lenei Poloaiga.

  1. Malosiaga faapitoa o faauluuluga o Matagaluega:
  2. Ua tuuina atu le malosiaga i faauluuluga o Matagaluega ma Ofisa uma o le Malo, o loo iai ā latou malosiaga fa’aletulafono e faatino ai ia malosiaga faaletulafono, faapea ai, malosiaga o faauluuluga e faatino ai
  3. Fuafuaga Mamao a le Malo i le tali atu i le Korona Vairasi 19 (Response Matrix).
  4. E mafai e le Kapeneta ona faia Tulafono Faatonutonu poo tulafono laiti mo le faatinoina o gaioiga uma e Ofisa a le Malo mo galuega e tatau mo le soifua saogalemu o tagata, ma mo le tausiga o le nofo filemu.

14. Pepa faailoa o le Solia o se Poloaiga Faalavelave Faafuasei:

(1)  E mafai e leoleo ona tuuina atu le Pepa Faailoa o le Solia o se Poloaiga i soo se tagata ua solia aiaiga o Poloaiga ua faataoto i totonu o Poloaiga mo Faalavelave Faafuasei.

(2) O Pepa Faailoa i lalo o lenei poloaiga e tatau ona faamaonia e le Komesina o Leoleo.

(3) Soo se tagata ua tuuina atu i ai se Pepa Faailoa o le Solia o se Poloaiga, e mafai ona ia totogi le sala tupe ua ta’ua i lea Pepa Faailoa, i totonu o le 24 itula talu ona tuuina atu iai le Pepa Faailoa.

15. Faasalaga:

(1) E solitulafono le tagata e lē usitaia Poloaiga uma (vagana ai le Poloaiga 2(2)(e)(iii)) ua taua i luga, ma o faasalaga nei:

(a) sala tupe:

(i) mo tagata ta’itoatasi, $200 mo le solitulafono muamua, ma le $500 i aso ta’itasi e faaauau ai lea solitulafono; ma

(ii) mo faalapotopotoga faatulafono, $5,000 mo le solitulafono muamua, ma le $7,000 i aso ta’itasi e faaauau ai lea solitulafono; poo le

(e) taofia i lalo o le vaaiga a Leoleo e lē sili atu i le 3 masina; poo le

(i) taofia i lalo o le vaaiga a Leoleo ma le sala tupe i lalo o le parakalafa (a).

(2) E solitulafono le tagata e lē usitaia le Poloaiga 2(2)(e)(iii) ua taua i luga, ma e ono faasala i se sala tupe e $2,000.00

(3) O le totogiina o se sala tupe atoa i lalo o lenei poloaiga, o le a lē molia ai se tagata i se faamasinoga o soligatulafono mo le faasalaga i lalo o le Pepa Faailoa o le Solia o se Poloaiga i lalo o le poloaiga 13.

(4) A faamaonia le solitulafono a se tasi i lalo o nei poloaiga i luma o se faamasinoga o soligatulafono, e mafai ona faasala i se sala tupe e le sili atu i le $10,000 poo le fale puipui e lē sili atu i le 12 masina, poo faasalaga uma e lua.

16. Komiti Fautua – Mataupu 108:

O le Komiti Fautua ua faatuina i lalo o le Mataupu 108, e puipuia mai i ni tagi faaletulafono e ono tulai faasaga i le Komiti i le faatinoina o tiute fai i lalo o le Mataupu 108.

  1. Taualumaga:
  2. Mo le nofo sauniuni mo se tulaga ogaoga mai auga o lenei faamai Korona Vairasi-19, ia mafai ona faataatia ese Tulafono o taualumaga a le Palemene ma le Kapeneta, ina ia mafai ai pea ona faia ni faaiuga tatau mo le atunuu.
  3. Mo faaiuga tatau, o poloaiga i luga e le taofia ai ni taualumaga faanatinati o le Palemene ma le Kapeneta i lalo o malosiaga o le Tulafono Faavae.

18. Faatupeina:

O le faatupeina o fuafuaga a le Malo i lalo o lenei Poloaiga e faatupeina mai vaegatupe talafeagai a le Malo.

Ua soloia le Poloaiga Faalavelave Faafuase’i Numera 11 o le aso, 8 Me 2020. 

O lenei Poloaiga e amata faamamaluina i le aso 14 Me 2020.

TEUTEUGA O LE POLOAIGA O FAALAVELAVE FA’AFUASE’I MO LE CORONAVIRUS, (KOVITI-19) – 13 Me 2020
Click to comment

Leave a Reply

Your email address will not be published. Required fields are marked *

To Top