Ausetalia

Tātupu mai ni moemoe fou o le Amataga Lelei A’oga (Good Start)

Faletua ia Alofagia Mauinatu itu agavale ma le faletua ia Marie Faaumu o laua o Assistant Educators o le Amataga Aoga lelei faapea nisi o tamaitai
Faletua ia Alofagia Mauinatu itu agavale ma le faletua ia Marie Faaumu o laua o Assistant Educators o le Amataga Aoga lelei faapea nisi o tamaitai

Ua alualu i luma le lelei o le Amataga Lelei A’oga (Good Start) i le taimi nei, ma o se fiafiaga sili i mātua aemaise aiga o fanau iti nei mai le 3 tausaga e oo atu i le 5 tausaga le matutua, ona o suiga foi ua vaaia ma pueina mai e tamaiti. Ua tele nisi o alo ma fanau ua matuā lagona le salamō ona o le fia fesootai pe talanoa atu i nai tuaa matutua i le gagana Samoa ae paga lea ua le mafai ona tautatala i le gagana Samoa, talu ai, e lei a’oa’oina e tamaiti le gagana a’o laiti.

O le mataifaioi lea a faiaoga i le Good Start, nai faletua ua iai le agavaa faapitoa, e a’oa’o nai fanau nei i le gagana Samoa. E lē gata i lea ua mafai e nei tamaiti laiti ona peseina ni pese i le gagana Samoa pe faia foi tatalo o meaai, pe a tuua le a’oga ma agai atu i le fale, ua ose faitotoa na lokamau lea ua matala mai, O se moemoe fou ua tupu talaulau.

E 32 tamaiti i le vasega, ae toa 30 na faauu mai le tausaga e 2019 i le Amataga Lelei Aoga Amata, (Kindergarten Goodstart ELC). O le isi faauuga na faia i le amataga o le tausaga nei.  O le faanaunauga o faiaoga, ia a’oa’oina alo ma fanau ina ia tutupu a’e ma atatamai e tautatala i le gagana Samoa a’o lei agai atu i aoga tulaga lua (primary school).

O se faamanuiaga tele lenei auaunaga a le “Good Start”. E tatala le avanoa mo soo se tasi e fia auina mai sona alo ina ia maua lenei manuia, e mafuta faatasi ma isi tamaiti ma a’oa’oina le gagana Samoa. O Aso Tofi uma ua iai polokalame e pei o le Playgroup e amata mai le 9:30 e oo atu i le 11am.

O le Hosanna Logan City, ma le Village Connect ua mafai ona soosootau’au faatasi ma le Aoga Amata, i le faanaunauga ia ausia ni matati’a ma ni faamoemoega e unaia ai pea fanau ma  aiga Samoa, faapea  tagata lautele ina ia felagolagomai ma faamalosi au le isi i le isi.

  O le tasi lenei o vaega taua ua ausia o le polokalame, o le Aoga Faataitai, ua molimauina le tatupu a’e ose moemoe fou e lē gata ua gasolo atu iai mātua e tuuina atu iai o latou alo, ae o se faitotoa ua talitonuina e tafe mai ai punavai o le ola a’oa’oina i le gagana Samoa. E fegalegalea’iga  le Good Start, Logan Together, ma le Talanoa Circles ma le  Community Samoa, e soalaupuleina faatasi ni metotia  ma ni auala e mafai ona tutu faatasi ai mo se manuia o fanau o loo auai atu i le aoga.

Ua maea ona iai auala ua faataatitia, ma ua iai se maliliega ua sainia (Memorandum of Understanding) i le va lea o le Good Start Early Learning Centre ma le Hosanna Logan City (Samoan Community Representation).  O lea MOU mo le silafia o aiaiga e pei o le umiaina lea e le Good Start Early Learning Centre o le malosiaga o le itu tau pisinisi ao le HLC i le aiaina o le fale o loo faaaogāina.

O le faamoemoega lea e ono avea ma faitotoa o nisi Aoga Amata Samoa i isi nofoaga, ma ose fiafiaga sili i le GSEC ua iai se Kindy faa Samoa latou te galulue faatasi, ua fiafia foi e faafaigaluegaina ni faiaoga ma se consultant ua avea nei ma sooupu i le community a Samoa. Ua na o le pau lea o le Aoga Amata i le gagana Samoa i le itumalo o Logan City ma ose faamanuiaga tele i lea itumalo lenei Aoga faataitai.

O le faletua ia Mrs Marie Faaumu (Assistant Educator to Amataga Lelei Aoga); Mrs Alofagia Mauinatu (Assistant Educator to Amataga Lelei Aoga); ma Mrs Monica Mamea (Cultural Consultant).  

E tatalaina faitotoa mo le aoga mai i le 6 i le taeao e oo atu i le 6:30 i le afiafi. E amataina ona faatino tiute o faiaoga i le a’oa’oina mai i le 8am – 4 i le afiafi, Aso Gafua i Aso Faraile taitasi. E aofia ai ma le Child Care e vaaia ma tausia fanau iti a’o feagai mātua ma galuega, e iai foi le pasi e pikiina ai ma toe momoli tamaiti i aiga ae iai aiaiga faapitoa.

Click to comment

Leave a Reply

Your email address will not be published. Required fields are marked *

To Top