Ua faaopoopo le lisi o nofoaga I totonu o Aukilani ua suesueina e le soifua maloloina ona sa asia e le tagata faigaluega a le Ea NZ lea ua faamaonia I le Koviti, e ui e le o iloa poo fea tonu na ia maua mai ai
O lea tagata faigaluega na faia lona siaki I le aso Lulu o le vaiaso talu ai e negative, ae taunuu le va’a na faimalaga ai I Shangai I Saina I le Aso Sa, siaki atu ua positive
O nofoaga ua faailoa mai:
O le Aso Faraile na iai I le pamu penisini a le BP Connect I Coronation Rd I Magele mai I le 9.28 I le taeao I le 9.35
Sosoo ai le Resene I Mt Roskill I le aoauli mai le kuata I le 12 I le aoauli seia oo I le kuata e te’a ai le 12
Latalata I le 3 I le aoauli o le Countdown I Papatoe, ma le New World I le po lava lea pe tusa o le afa o le 7 I le afiafi
Sau a’I I le aso Toonai, na asia le faletalavai o loo I totonu o le Countdown I Greenlane I le afa o le 12 I le aoauli, faapea ai ma le Animates I Manukau latalata I le tasi le itula na iai
E ui o loo maualalo le ono lamatia o soifua o tagata lautele, peitai ua fautuaina e agai mo siaki o le koviti ma faanofoesea a’o talia ai faaiuga o siaki
O le taeao nei e taunuu mai ai I fanua le faigamalaga o loo aumai ai le ua faamaonia faatasi ai ma isi vaega o le latou au-galulue I luga o vaalele, ma o I latou uma nei o le a faanofoesea.
Ae I se vaaiga I fuainumera o le koviti I totonu o NZ, 2 positive cases faailoa mai ananafi ma o loo faanofoesea uma, leai se community case.
