Ausiisii a Samoa na tauva i le Australian Open
Ausetalia

Suipi Ausiisii i le Australian Open ma Don Opeloge le Tupu

walking Samoans

Tusia: Leilua Jerry Uesele

O le afiafi o le Aso Sa i Canberra, Ausetalia na taualuga ai le tauvaga siisii uameamamafa Australian Open Championship, na malaga mai ai Sui e toalima o Samoa e tauva ai.

E pei ona silafia o le taaloga lenei aupito tele pine auro ma matati’a ua ausia ai e Samoa mai tausaga e tele. O lea foi na ausia ai la tatou pine muamua i le Olimipeka e Ele Opeloge i le 2008.

I le tauvaga i le vaiaso talu ai na tofu pine auro uma sui e toalima na tausinio. E toafa alii ae toatasi le tamaitai Ia Iuniarra Sipaia. O i latou  nei o loo sauni atu mo le Olimipeka i Tokyo i le tausaga nei.

O le susuga a Sanele Mao sa ausia lana Pine Auro i le aupaga 109kg i le aso faaiu o taaloga. O le alii o Lauititi Lui na mataina foi lana Sii mo le Pine auro i le aupaga 109kg+.

O le susuga Don Opeloge (Men’s 96kg division) na mataina ana taumafaiga i le Clean & Jerk 210 kilo, faapea le Snatch e 164 kilo. E 374 kilo le aofaiga ma sili atu i le 13 kilo mai lana personal best ua faatuina ai se isi matati’a fou i le Oceania faapea le faailoga Tama Sii o le Tauvaga Atoa. 

O le Pine Auro lona lima na ausia lea e Nevo Ioane (Men’s 67kg division) O le Clean and jerk na ausia le 165 kilo faapea le Snatch e 121 kilo mo le aofaiga e 286 kilo. 

O se matatia fou foi o le Oceania i le Clean and Jerk mo alii i le aupaga o le 67 Kilo. Sa faafetaia e le autaalo ma le faiaoga Tuaopepe Jerry Wallwork le tapuaiga a aiga uo ma e masani faapea le Malo ma le Matagaluega a Suavai (SWA) mo lana lagolago. Ua tapena atu nei le Ausiisii mo taaloga a le Olimipeka ia Iulai.

Suipi Ausiisii i le Australian Open ma Don Opeloge le Tupu
Click to comment

Leave a Reply

Your email address will not be published. Required fields are marked *

To Top