Nisi o Sui e ono tauva i le Miss Samoa NSW 2020
Ausetalia

Suia le Nofoaga o le Miss Samoa NSW 2020

Nisi o Sui e ono tauva i le Miss Samoa NSW 2020

Tusia: Leilua Jerry Uesele

Ua amata nei tapenaga a le Komiti o le Tauvaga a le Miss Samoa NSW mo le 2020. O le Aso Toonai talu ai na faamuta ai le faaulufaleina o Sui tauva mo le tauvaga o lenei tausaga lea ua faailoa mai o le a faia mo le taimi muamua i le Bankstown Sports Club.

O lenei nofoaga faatoa uma ona toe faafouina i le matagofie ua iai nei i mau fale’aiga i totonu ma potu faletalimalo aemaise faletifaga ma potu faapitoa mo Koneseti.

Faailoa mai e se Sui o le Komiti, Brian Tonumaipe’a Tuisila, ua suia foi le Komiti Faafoe mai le tausaga talu ai e pei ona tulai mai ai nei le faletua ia Martha Lam Roache, Resitara Apa, Brian Tonumaipe’a Tuisila, Miracle Temareti ma le Miss Samoa NSW 2018 Retailila Temareti.

O le tamaitai na avea ma Sui o Sini NSW i le tauvaga Miss Samoa i Apia i le tausaga talu ai o Fetui Tuetue o le a tauaaoina atu foi lona pale i lea po i le sui e manumalo. O loo faagasolo foi tauvaga a Melepone faapea Kuiniselani mo ni o latou Sui mo Samoa ia Setema.

Suia le Nofoaga o le Miss Samoa NSW 2020
Click to comment

Leave a Reply

Your email address will not be published. Required fields are marked *

To Top