Search

Suesue e le council a Ueligitone le ono faapipii o mita e fua ai le faaaogaina o le suavai I fale o aiga

Ua suesue nei e le council a Ueligitone le ono faapipii o mita e fua ai le faaaogaina o le suavai I fale o aiga I Ueligitone

O lea ua sau I tua le ripoti tuufaatasi a le Ernst Young ma le pulega o le suavai a Ueligitone, o loo lomia ai le oo atu I le tausaga e 2026 ua leai se suavai maua, ma e mafua lea I le faatupulaia pea o tagata peitai e le o iai ni faatapulaa mo le faaaogaina o le suavai

E le gata la o le fuaina o le faaaoga a aiga taitasi, ae faapea ai ma le faafaigofie ona maua o alapaipa o loo liki ma maumau ai le suvai

I se faatusatusaga o aai e lima I totonu o NZ, O Ueligitone le aai e lona lua I le faatulagana o aai e aupito I maualuga le faaaogaina o le suavai, lea e tusa ma le 227 lita I le aso e alu I le tagata e toatasi

O le faia o mita I fale o aiga e ui e faitau miliona tupe e alu ai, peitai a faatusa I le faia o se isi faatanoa fou e faato’a ai le suavai, e taugofie atu lava le faia o mita

Lagolagoina e le pulenuu o Porirua Anita Baker le tatau nei loa ona faamalosia tagata e taumafai e faasao le suavai

Ae I le pulega o le suavai I Ueligitone, o loo galulue malosi e fofola atu I le council fuafuaga o le faia o mita I fale o aiga mo sana ioega

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required