E silia ma le 20 tagata ua pueina e leoleo ma le miliona o tupe ua maua faapea nisi o aseta na maua I osofaiga a leoleo na faia I fale I Aukilani. O le pepa o faamatalaga mai le ofisa o leoleo ua faailoa ai o osofaiga na faaautu tonu ile aumaia, le gaosia male sapalaia o fualaau faasaina.
O le vaiaso nei na faatino ai osofaiga a leoleo e aofia ai ma se fale I Remuera, faaaoga le aufaigaluega e toa 100 e osofai fale e 34 I aukilani ona o se suesuega ua leva ona faatino a leoleo sa faaigoa o le OperationCincinnati, faatautaia e le National Organised Crime Group.
Ose sooupu a leoleo na ia taua, o seisi vaega o lea suesuega ua maua ai ma se vaegatele o le fualaau faasaina o le aisa ma le MDMA faatasi ai ma nisi o auupega aumai faasolitulafono ma le faitau miliona o tupe aemaise taavale.
Ua faia lenei osofaiga I le maea ai o le vaiaso sa faia ai foi isi osofaiga na maua ai fana e 25 e aofia ai ma auupega okometi faamiliteli atoa ai ma laau faasaina ise fale I North Shore. E toalua ni alii e tai 54 tausaga le matutua na pueina ona o nei mataupu.
Tolu fale I Half moon bay, Te Atatu ma New Lynn na sueina foi ma maua ai tupe e oo atu I le 250 afe. The raids come a week after police seized 25 guns, including military style semi-automatic firearms and a shotgun, along with methamphetamine and cannabis from a North Shore home.I isi osofaiga na faia I le masina talu ai na maua ai auro, tupe ma sikaleti mai fale I aukilani lavafou. E toatolu na pueina ai ma tuuaia I le aumaia ma le faatauina o se tasi fualaau faasaina o le opium mai atunuu I fafo. Ole aoauli o le aso ua fuafua leoleo e toe faalauiloa mai ai nisi faamatalaga e tusa o nei osofaiga ma I latou ua taofia.
