Ua maua lelei e leoleo se tasi o faiga faasolitulafono I le setete o Niu Sau Uelese I Ausetalia, o le totoina lea ma le faatauina atu o le laau faasaina o le mariuana. E toa 14 alii ua molia e leoleo ile maea ai ole osofaiga sa faia I le faaiuga o le vaiaso I le itu I matu o niu sau uelese ua maua ai laau e 13, 353 mai fale I pitonuu e igoa o Minimbah, Melinga ma Moorwood.

Faailoa mai e leoleo ma le vaega e feagai ma suesuega I laau faasaina ausetalia tauala I le taitai leoleo o John Watson e faapea o se tasi lenei o vaega tele o laau faasaina ua maua ile talafaasolopito o ausetalia. Ole osofaiga na faatautaia I lalo o le suesuega ua faaigoa o le Strike Force Harthouse  sa amata tuufaatasia I le masina o Novema o le tausaga talu ai e suesueina le totoina ma le sapalai o laau faasaina ma ua oo atu I le 33 ilatou ua pueina ai ma le faaleagaina o le tusa ma le silia ma le 100 miliona o le tau o laau faasaina, Ole osofaiga lava ia I le aso tofi I le pitonuu lea o Taree, e tolu fale na osofaia, na faailoa mai e toeitiiti 6 afe laau o le mariuana na maua ai, pe a male16.9 miliona le tupe e maua ai mai le fale e tasi. Oloo faaauau pea suesuega