Joseph Auga Matamata
Niu Sila

Molia se matai Samoa i le feaveai faa-solitulafono o tagata ma faiga faa-pologa.

Joseph Auga Matamata
walking Samoans

E 65 tausaga le matua o se matai Samoa ua faamaonia ile aso ona moliaga e 11 ole feaveai faa-solitulafono o tagata (human trafficking) male 13 o faiga faa-pologa (dealing in slaves). 

Ole faamasinoga maualuga i Napier na tualai ai Joseph Auga Matamata e tali i ona moliaga talu ai ona tuuaiga e pei ona amata mai le tausaga e 1994 e oo mai ia Aperila ole tausaga na tea nei. 

E 24 ona moliaga peitai e tasi le tuuaiga ole feaveai faa-solitulafono o tagata e lei molia ai Matamata. 

Na finau le loia ale malo e faapea na mafua ona aumai e Matamata tagata Samoa i Niu Sila ina ia maua ai ni a latou seleni aua aiga i Samoa.

Peitai, na ona taunuu mai lava i Aotearoa, faaaoga loa e Matamata e sue ai ana tupe. 

Fai mai le tala o nei tagata na ole ave lava e galulue i faatoaga ae leai ni a latou totogi e maua.

I nisi o molimau na faapea e masani ona faaoo lima Matamata ia i latou pe a le usitaia ana faatonuga.

Na lokaina Matamata ia Tesema 2018 a o faagasolo ai suesuega ale Ofisa o Femalagaiga a Niu Sila.

Ole taimi nei o loo taofia pea Matamata seia aulia le Aso 6 o Me e lauina ai lona faasalaga. 

Molia se matai Samoa i le feaveai faa-solitulafono o tagata ma faiga faa-pologa.
Click to comment

Leave a Reply

Your email address will not be published. Required fields are marked *

To Top