Mose Masoe i totonu ole falemai oloo taofia ai i Egelani.
Taaloga

Le fiafia Mose Masoe ile vave faatea o ia mai le falemai

Mose Masoe i totonu ole falemai oloo taofia ai i Egelani. - Credit: Instagram / @mosemasoe

Ua faaalia le le fiafia o Mose Masoe, lea sa taalo ile au lakapi liki ale Kiwi ina ua logoina o ia e sauni e agai i lona aiga ae sei faaavanoa moega ole falemai oloo taofia ai i Egelani ona ole faatupulaia o i latou ua maua ile Covid-19.

O Masoe o se tasi o kapeteni ole au ale Hull Kingston Rovers ua faasolo manuia lona manuaga, lea na aafia ai lona maea alio ise taaloga ile masina o Ianuari.

Ua tele le suiga o Masoe, lea foi sa taalo mole Toa Samoa. Peitai na ia taua e lei sauni e agai i lona aiga ile isi 72 itula mai le falemai o Wakefield Pinderfield.

Taua e Masoe, ua amata ona kilia uma le tele o potu ole falemai mo ma’i ua maua ile coronavirus. Ole mafuaaga lea ua logoina ai le toatele o gasegase e le tigaina tele e amata loa ona tapena ma agai i o latou aiga.

Fai mai Masoe ua fiafia ona ole a toe maua le taimi ma lona aiga aemaise lana fanau peitai, e tele ni gaioiga e le mafai ona ia faia toatasi e pei ole agai ile fale le taua ma isi.

Na te le fia faatigaina foi lana paaga.

O Masoe na taalo muamua ile Sydney Roosters male Penrith Panthers ile NRL. O lana tatalo i tagata uma ia nonofo ile fale e taofia ai le pepesi ole siama.

A nonofo uma tagata ile fale ona vave lea ona toe foi e faaauau ana polokalama aua le faaleleia o lona tino lea sa lavea.

Ole taimi muamua lenei ile lalolagi ua mafai ai ona faasaoina ola o tagata pea e nofo lelei ile fale ma matamata lau tv.

Fai mai Masoe ua atoa le lua vaiaso e lei toe vaai i lona aiga ma ole faiga sao lea.

O lona le fiafia i lona toe nofo ai ile fale ona ole a faatuai ai ona faaauau ana koleniga mole faaleleia o lona manuaga faapea lona soifua maloloina.

Le fiafia Mose Masoe ile vave faatea o ia mai le falemai
Click to comment

Leave a Reply

Your email address will not be published. Required fields are marked *

To Top