Ua iai nei se valaau ina ia faia vave se faatatau ise faiga saogalemu mo I latou e faatinoina le auaunaga o le kilivaina o taumafa. Ua mafua lea tulaga ona o le faalvelave na tulai mai I le aso ananafi I Surry Hills I Sini Ausetalia ua uma ai le ola o se tagata kiliva taumafa sa faaaogaina se uila vilivae faapea se faamatalaga na lavea I se loli.
Ole vaega o fesoasoani faavavave na valaau ane I le fetaulaiga ala I Chalmers ma Cleveland streets poo le lata I le fitu I le afiafi ananafi ma maua atu ai si tagata sia ua maliu ae ua aveina atu I le falemai le ave loli pe a ma le 30 tausaga le matua.
O loo faia le suesuega I le taimi nei ae o le lua ai lea o tagata e faatino lea auaunaga ua maliliu I luga o le alatele I totonu o le tolu o aso. Ile aso toonai na tea nei na uma ai le ola se tasi foi tagata faigaluega e 27 tausaga mai Bangladesh ina ua lavea ise taavale ao alu atu e kiliva taumafa ile pitonuu o Rockdale mo le Uber Eats.
E iai foi se faalavelave faapea na tulai mai foi I Melepone ma ose faamatlaga a le sooupu o le Leipa Daniel Mokkhey talosaga vave ai se tali a le faigamalo a Niu Sau Uelese I lea tulaga. O loo faatalia suesuega o loo faia I le faalavelave.
