Lapataiga numera 3 mo Niu Sila atoa
Niu Sila

Lapataiga numera 3 mo Niu Sila atoa

Lapataiga numera 3 mo Niu Sila atoa
walking Samoans

Ua lapataia ai pisinisi e pei o faleaiga, fale-aau, nofoaga e tafafao ai fanau ma isi auaunaga e le moomia i taimi uma e amata ona tapunia nei loa ae lei aulia le 12 ile po ole Aso Lulu 25 o Mati.

O aoga uma ole amata ona tapunia mai le Aso Lua 24 o Mati, sei vagana aoga oloo iai fanau a i latou o loo galulue i galuega e pei o tausi mai, fomai, leoleo, soifua maloloina ma isi galuega fesoasoani ina ia lava le taimi e saili ai ni tausi tama e vaaia a latou fanau ile fale.

Ua faasaina nei soo se faatasiga faitele tusa lava pe le atoa le 100 tagata auai. 

Ole fautuaga ale tamaitai Palemia ia Jacinda Adern male malo, ia tausisia le nonofo ile fale e faaitiitia ai le ono pepesi ole Korona.

Ua fautuaina pisinisi e amata loa ona faatino le faigaluega mai ile fale o a latou tagata faigaluega ise taimi vave.

Ole a iai foi se suiga i femalagaiga i pasi ma nofoa afi mo tagata lautele i le isi 48 itula.

O auaunaga nei ole a tumau pea ona tatala;

Supa maketi, fale tala vai, fomai ma auaunaga ale malo e pei o leoleo, fui mu, male soifua maloloina atoa ai foi ma fesoasoani tau seleni poo le penefiti. 

E leai se mea ole a faapopoleina ai le atunuu ile tulaga tau taumafa. 

Oloo lava ma totoe taumafa mo tagata uma.

Fai lau faatau ma mafaufau i lou uso a tagata.

E mafai lava ona e savali mose faamalosi tino, pe faasavili foi le fanau, ae ia taumamao ma isi tagata, e tusa lea male 2 mita le va.

Ole a toe logoina le mamalu ole atunuu ile isi 48 itula ile isi laasaga ole oo atu iai a o feagai ai male Covid-19 poo le Korona vairusi.

Mo nisi faamtalaga, tagai ane ile covid19.govt.nz pe valaau le Healthline ile 0800 5453. Ole isi 48 itula ole a siitia ai loa le tulaga o l 4 ma e ono oo atu ile 4 vaiaso e tumau ai nei tapu mo Niu Sila atoa

Samoan-Alert-Levels-Table.pdf

Lapataiga numera 3 mo Niu Sila atoa
Click to comment

Leave a Reply

Your email address will not be published. Required fields are marked *

To Top