Breanton Tarrant - le alii oloo tuuaia ile tafaina o tagata e 51 i Kalaiasetete ile Aso 15 o Mati 2019. | Photo Credit: Reuters
Niu Sila

Ioeina e Brenton Terrant ona moliaga ole fasioti tagata faamoemoeina male faatupu faalavelave

Ole aso na tulai le alii o Brenton Tarrant i fesootaiga faatekonolosi male faamasinoga maualuga i Kalaiasetete, e tali i ona moliaga e aofia ai le 40 o tuuaiga ole fasioti tagata faamoemoeina male tasi ole faatupu faalavelave.

Ole taimi muamua lea ua ioeina ai e lenei alii ona tuuaiga talu ona maliliu ai tagata e 51 i ni fale tatalo Mosalemi se lua ile Aso 15 o Mati ole tausaga na tea nei.

O lenei suiga na talia male fiafia e le tamaitai Palemia ia Jacinda Adern ise faatalanoaga male au tusi tala.

Na ia taua ai e faapea, ose tala fiafia lea mo aiga o i latou na maliliu faapea foi i latou na faamanualia i lenei faalavelave matautia ile tala faasolopito o Niu Sila.

Sa lagolagoina ia lagona e le alii Komesina o Leoleo o Mike Bush i sana saunoaga a o faatalanoina o ia e uiga ile faamai ole Coronavirus.

Ole faamasinoga o lenei alii na fuafua e amata ile masina o Iuni mole umi e 6 vaiaso.

Peitai, olea ua le faatunuuina nei ona ole suia ole tali a lenei alii ile ioe.

E 92 le aofaiga o tuuaiga o Tarrant lea olea faia iai se faaiuga ise taimi e le o toe mamao.

Oloo taofia pea lenei alii e leoleo seia aulia le Aso 1 o Me.

Ioeina e Brenton Terrant ona moliaga ole fasioti tagata faamoemoeina male faatupu faalavelave
Click to comment

Leave a Reply

Your email address will not be published. Required fields are marked *

To Top