Faailoa e le tamaitai Palemia o Jacinda Adern ni vaega taua ole Lapataiga Vaega 2
Niu Sila

Faaalia e le tamaitai Palemia, ole Lapataiga Vaega 2, ole faia male saogalemu, a o lei toe foi ile olaga masani.

Faailoa e le tamaitai Palemia o Jacinda Adern ni vaega taua ole Lapataiga Vaega 2

Ole Lapataiga vaega 2 ole a vaaia ai le toe foi mai o faiga faatauga, taumamafutaga i faleaiga, faaipoipoga, malaga i isi pitonuu o Niu Sila, aoga, taaloga ma le toe vaaia o uo ma aiga – i lalo o taiala faatapulaaina.

Na faailoa mai e le tamaitai Palemia tulafono e lima taitaina ai le Lapataiga Vaega 2, a o lei faia se faaiuga ale Kapeneta ile see atu ile Vaega 2 pe leai, ile Aso Gafua ole vaiaso fou, ma ua ia faaigioaina ose tulaga saogalemu ole olaga o aso uma.

“I lona aotelega, ole Vaega 2 ose tulaga saogalemu ua faatulagaina ina ia saunia ai tagata e toatele e toe foi atu i galuega, ma ia amata ona toe foi le tamaoaiga ile tulaga masani ise faiga saogalemu,” ose saunoaga lea a Adern.

O tagata uma ole a afea fale kofe, papu, poo faleaiga, ole a moomia le nonofo eseese, ma ia aua nei sili atu ile 100 le aofai i soo se nofoaga. Ole a tapunia nofoaga uma e solia nei tulafono.

O faatauga ole a faatagaina, ae tumau pea le va ma isi tagata i pisinisi tau lavalava ma isi. Ma ole a mafai foi ona e asia uo ma aiga – ae sa ona faia ni pati tetele.

O femalagaiga i isi pitonuu o Niu Sila ole a faatagaina, ae le fautuaina faigamalaga mo mafuaaga le tatau pe o amio le taupulea.

“O mea ete faia pea e taunuu ole faafitauli lena. Ole malaga mai Ueligitone i Napier e asi lou tina e le afaina. A ole malaga mai Ueligitone i Napier mose fono tele ae tatala ai ma se pa pia, e le talafeagai,” ole saunoaga lea a Adern.

O aoga, univesite ma aoga amata ole a toe tatalaina.

O fale oti ulu ma fale e teuteu ai ou foliga ma lou tino ole a toe tatala, ae faamalosia le faaogaina o laei mole puipuiga. O fale koleni ole a toe tatala, ae faamalosia le va ma isi tagata.

O taaloga – e aofia ai taaloga pa’i tino – ole a faatagaina ae moomia faamaumauga o i latou uma e auai, e mafai ai ona saili se tagata pea moomia. 

O taaloga faaplofesa e aofia ai le Super Rugby ma taaloga netipolo ole ANZ Premiership ole a toe amata, ae leai ni tagata matamata.

Na taua e Adern e 48 itula e faagaioi ai se suiga mai le Vaega 3, afai la e manao Niu Sila e see atu iai ile Aso Gafua, o lona uiga, faatoa amata le Vaega 2 ile Aso Lulu – 13 o Me.

Fai mai Adern, ole anavatau ole Vaega 2 ole “faia male saogalemu”.

Na ia faaalia ole taiala ole soifua maloloina ole a tumau: Soo se tasi ua mai e tatau ona nofo ile fale, soo se isi ua maua i auga ole Covid-19, e tatau ona fai sana siaki, ma e tatau i tagata uma ona toaga e fufulu mama lima i soo se taimi.

Ole a tumau pea le tapunia o malaevaalele ma uafu i tagata lautele, a o tagata Niu Sila lea e taunuu mai, ole a faanofoesea pea mole lua vaiaso.

Ole a fautuaina pea e le malo tagata uma ina ia tumau le va ma tagata ete le masani ai – ia 2 mita le va ma isi.

E mafai ona e tu latalata i tagata e pei ole tou aufaigaluega poo au uo aua e faigofie ona sailia ia tagata.

Na taua e le Faatonu Sili ole Soifua Maloloina o Dr Ashley Bloomfield, o lona uiga, ole a mafai ona e fusi atu i au uo ma ou aiga, ae ia tausia pea le va ma le tou aufaigaluega.

Fai mai Adern e le o se “taimi e faia ai ni pati tetele” ae na o ni faatasiga laiti a aiga ma uo e faataga, aua o le a toe faaaogaina ni li’o.

O faatasiga mo faaipoipoga ma maliu ole a faataga, a ia aua nei sili atu male 100 tagata auai – tusa lava pe faia ise nofoaga taalaelae.

Fai mai Adern, ole faaiuga e faia ile Aso Gafua, ole faia i luga o faamaumauga lata mai ile maea ai ole toeitiiti lua vaiaso ole faamai ile Vaega 3.

Na ia taua, ole faaiuga ole a faapeni ai le tulaga ole ono afaina pea ole soifua maloloina male faaauauina o aafiaga ona o tapu e pei ona faia.

“A o siitia tapu a isi atunuu, na iai male avanoa e toe foi ai i tua. Ma e iai nofoaga ua tulai mai ai. E tatau ona tatou tumau ile foe.”

“Ailoga ua tatou maua uma i latou ua aafia ile Covid-19.”

O Niu Sila ua toeitiiti atoa le lua vaiaso ile Lapatiaga Vaega 3, ina ua maea le silia ile masina o iai ile Lapataiga Vaega 4.

Na taua e Adern, ole Vaega 3 ole “potu faatalitali” – o ina e siaki ai e le atunuu pe ua taofia le pepesi ole faamai oti.

Na ole tasi le tagata na faamaonia le aafia ile Covid-19 ile Aso Tofi, lea e iai lona piitaga ise tasi o potopotoga o tagata ua aafia. E toalua tagata oloo ile falemai, ma e leai se isi o i laua nei o taofia ile ICU.

Faaalia e le tamaitai Palemia, ole Lapataiga Vaega 2, ole faia male saogalemu, a o lei toe foi ile olaga masani.
Click to comment

Leave a Reply

Your email address will not be published. Required fields are marked *

To Top