walking Samoans
Niu Sila

20 tagata Niu Sila ua maua ile Korona (Covid-19)

Coronavirus (COVID-19)
Coronavirus disease (COVID-19)

Ua faailoa mai e le Matagaluega ole Soifua Maloloina le maua ai o nisi tagata se toa 8 ile faamai ole Korona (Covid-19) i totonu o Niu Sila.

O i latou ua aafia sa faimalaga i atunuu mamao.

E toa 4 i totonu o Aukilani , 1 Kalaiasetete, 2 i Waikato male isi tasi i Invercargill.

Ole lona 12 o gasegase na faamauina, ose tamaitiiti aoga mai Dunedin lea na pisia mai lona tama sa faimalaga atu i Siamani. Ole mafuaaga lea ua tapunia ai ma lea aoga ise taimi le tumau.

Ole toatele o tagata ua maua ile Korona i totonu o Niu Sila e mafua mai lea i faigamalaga i atunuu mamao faapea ai ma le pipisi atu ole siama i nisi o latou aiga oloo nonofo faatasi.

Ole Aso Toonai na tea nei na faalauiloa ai le tamaitai Palemia o Jacinda Adern ni tapu mo tagata nuu uma o Niu Sila pea foi mai a latou faigamalaga mai soo se atunuu ole lalolagi, sei vagana ai le Pasefika. E 14 aso e le tatau ai ona o nei tagata i galuega faapea foi nofoaga fai tele, ae tatau ona nonofo lelei ile fale seia maea le 14 aso.

Ua silia male 200,000 i latou ua aafia ile taimi nei ile Korona ile lalolagi e aofia ai male silia ile 7900 i latou ua maliliu.

O ananafi na faailoa ai e le Malo o Niu Sila se fesoasoani tau seleni mo pisinisi ua aafia faapea foi le soifua maloloina o tagata lautele, aemaise tagata matutua.

Soo se faamoemoe e sili atu male 500 tagata e ono auai ua faasaina nei, peitai oloo tatala pea aoga ale fanau.

Click to comment

Leave a Reply

Your email address will not be published. Required fields are marked *

To Top