Tupua Tamasese Hospital - Samoa
samoa

10 ile 20 aso e faatali ai pe mo’i ua maua ile Covid-19

Tupua Tamasese Hospital - Samoa
walking Samoans

E 10 ile 20 aso e faatali ai Samoa ise tali pe faamaonia le maua ai ose tasi o gasegase i Samoa ile Covid-19.

Ose lipoti ale malo ile po anapo na taua ai ose tagata mai Aukilani lea ua taofia ile falemai i Motootua a o talia suesuega pe ua maua ile Korona.

Na taunuu atu lenei tagata i Samoa ile Aso 11 o Mati ise faalavelave faa-le-aiga.

Ole lua o aso talu ona taunuu i Samoa ae lagona loa auga ole fulu e pei o auga ole gasegase ole Korona.

Oloo talia nei suesuega oloo faia i Melepone i Ausetalia pe faamaonia pe leai ua maua lenei tagata ile faaamai.

E le o manino mai i litpoi le mafuaaga e ala ai ona umi ona faatali se tali.

Taua e le minisita ole Pasefika a Ausetalia, Alex Hawke, e tolu ile fa aso ona maua lea ole tali o suesuega oloo faia mo gasegase ile Pasefika.

E oo mai ile taimi nei e lei tali le malo o Samoa ile mafuaaga o lea tuai.

A ose fautuaga mo i latou o loo fuafua e malaga atu i Samoa mo faamoemoe e pei o maliu, faaipoipoga, faatasiga a aiga, fonotaga ma isi, ia taofia nei loa le malaga atu i Samoa ona o puipuiga ole Korona.

10 ile 20 aso e faatali ai pe mo’i ua maua ile Covid-19
Click to comment

Leave a Reply

Your email address will not be published. Required fields are marked *

To Top