O le aso o le a ilo ai le aulo i le afi i le tauvaga lauga faasamoa a alo ma tamafanau a lo tatou atunuu e aooga i intermediates i aukilani nei. O le faamoemoe e pei ona faagaioia mai i se taimi ua tuanai o le a faaiuina i le aso i le sailia o e o le a faamanuiaina mai aoga intermediate ua mafai ona tausinio mo lenei tausaga. O le ta o le iva i le taeao nei na taua e le faiaoga o Akata Galuvao mai Magele e amata ai le faamoemoe ma e faia i le Bader Drive Intermediate i Magele. O faamasino o le faamoemoe o le afioga Fuamalesa Tago ma le susuga Mele Ah Sam. Na taua foi o le aso ananafi na faataunuu ai le tauvaga faapea i le vaega laiti poo le primary, poo aoga maualalalo. Taumafai atu talafou mo se iuga o lea tausinioga i le aso ona faalauiloa atu ai lea i se taimi mulimuli ane.