E foliga mai o loo ofo mai ni totogi tetele mo le auaunaga a leoleo i Ausetalia ma ua toatele nisi ua faaosofia ai le fia malaga i ausetalia e faaaoga ia paketi tau galuega. O le Northern Territory mai ausetalia o leisi lea itumalo mulimuli nei sa o latou faailoa le faatalanoaina o tagata e toa 30 i ana avanoa faigaluega mo i latou o loo ua fia malaga atu i ausetalia. O le peresetene o le asosi a leoleo o Greg OConnor sa ia taua o isi teritori sa taumafai foi e fai le tulaga lea i tausaga ua tuanai ma ua taua e le pulega a leoleo e iu ina o atu e ese le mea o loo faamatala mai ese le tulaga e iai pe sili atu foi ona faigata le faatinoina o tiute i lea atunuu. Fai mai le pulega a leoleo o le manatu afai e le o fiafia iinei olona uiga e iu ina le fiafia foi i ausetalia pe afai e faimalaga iai ma aumau ai foi.
———————
O le aso e le taumate ole a faalogoina ai le malie o pesega ma musika mai se tasi o nofoaga tutotonu i ueligitone pe afai e amataina aloaia o le taualuga o le polokalame faaigoaina o le Big Sing e tolu aso e faagasolo ai amata i le aso ananafi ae faaiu i le po a taeao. O le aufaipese mai le aoga a Villa Maria na taua ua lagona le fiafia ina ua auai ai i lenei faamoemoe i Ueligitone.O aufaipese e lima mai Ueligitone e aofia ai le Chilton St James, Kolisi a Tawa, Kolisi a Ueligitone, East Girls College ma le Kolisi a tamaitai i Uelgitone. E toatolu faamasino o le tauvaga ma e ui e le o manino mai le aofai o aoga ma aukilani nei ae ua taua o le a maua le avanoa o aoga uma o loo auai e faafiafia ai i le po a taeao i le taimi e faalauiloa mai ai le auifaipese o le a manumalo.
——————–
E faateia foi le toatele i se faalavelave na tulai mai i se tasi o aoga i Kalaiesetete na ulufale ai ni tamaitai se toatolu ma faaoolima i se teineititi aoga 15 tausaga. O le teineititi e aoga i Aranui High ma sa afaina lona fatsfata ma vae i le osofaiga lea i el vaiaso na tea nei. Fai mai o le aso tofi o le vaiaso na tea nei poo le ta o le lua i le aoauli na tupu ai le faalavelave lea i totonu o le lotoa a le aoga. O le aso faraile na oo ai le matuspu lea i leoleo ma faatslanoa ai le trineititi i le aso ananagfi. Fai mai e toatolu le au tamaitai ae tasi le auupega o le naifi na o atu ma latou. Fai mai e le iloa e le teineititi na aafia le au tamaitai ia ae o loo malanamalama lelei le toatolu lea i le teineititi. E oo mai i le taimi nei o loo sailia pea i latou ia e toatolu aua e le o iai ni molimau o le taimi na tupu ai le faalavelave ona o le taimi lea o loo fai vasega a le aoga.O loo galulue faatasi leoleo ma le aoga i le sailia o le au tamaitai ia e toatolu ae ua faasolo ina manuia le tamaitai na aafia.
———————
Ua toe tolopo e Argentina lana taligamalo i leisi vae o le taamilosaga taitoafitu a le lalolagi mo le tausaga nei agai atu i le tausaga fou ona o nisi o faafitauli ua aliae mai aemaise i le taimi e agai ai la latou au sinia mo le taamilosaga rugby championship. Fai mai le sui o le iuni a Argentina e faafetaia le IRB mo le latou lagolago i le faaiuga ua faia i lenei mataupu ae ua taulai le vaai a le iuni i le agai atu o ana au i le taamilosaga o le tausaga fou. Faailoa e le taitaifono o le IRB Bernard Lapasset le faaiuga a Argentina ma ua faailoa ai la le faasologa fou o le a iai le taitoatfitu i le taimi nei lea o le a amata i le vae i Gold Coast i ausetalia mai le aso 13-14 o Oketopa faasolo atu ai i Dubai i le masina o Novema, Port Elizabeth i Aferika i le masina o Tesema, Uelfgitone i le masina o Fepuali o le tausaga fou, Las Vegas i le masina lava foi lea , Hong Kong ma Tokyo i le masina o Mati ae faaiu ai i vae i Glasgow ma Lonetona i le masina o me o le tausaga fou.
————————
Ua valaauina nei se susuega e faia vave i le faaaogaina o tagata e malaga mai i niusila ma faafaigaluega i ni totogi maualalo e pei ona agiga i nisio lipoti i le vaiaso nei. O le minisita o Leipa Kate Wilkinson sa ia taua o le a faia le suesuega i le matuapu lenei faatasi ai ma faleoloa laiti o loo faafaigaluega ai tagata i ni totogi maualalo tele ae fai mai le manatu o se tasi o tagata suesue i le AUT o faiga faapea e taatele ma o le toatele o tagata faipisinisi saina ma initia e faafaigaluega foi tagata mai initia ma saina e faigaluega mo latou ae totogii ini totogi maulalo. O loo faatalia nei la le iuga o lenei suesuega.
——————–
O le a faalalo se tasi o taifau ona ole osofaia o se pepe e nao le tasi le tausaga ise fale i Dunedin. O le leoleo ma le aufaigaluega galulue mo le puipuia o tagata mai meaalofa na valaau ane i le fale i Dunedin poo le ta o le fa i le afiafi ananafi ona o le faalavelave lea ae fai mai le tama o le pepe na aafia e lei tupu lava se faalavelave muamua faapea e aafia ai le taifau lea ma sa taalo lava ma le pepe ae tei ua ia osofai ai si ona afafine. Na ave le teineititi i le falemai i dunedin ma ua faasolo manuia.O le faamatalaga a leoleo e taua le faamautu lelei o loo saogalemu tamaiti laiti faapea mai meaola ma e tatau lava ona iai se tagata matua e vaaia le tamaititi i taimi uma.
————————
O le kalapu a Southern Kings lea o le a suia le Golden Lions i le tausaga fou, o se tasi lea o kalapu mai aferika i saute o le a auai ai i le supa 15 o le tausaga fou 2013. O sui mai le iuni a aferika i saute na o latou faailoa le suiga lea mo le tausaga fou ma ua malilie iai le toatele i lea faaiuga mai le iuni lakapi a aferika.O le Liona lea sa pito i lalo o le taamilosaga i le tausaga nei i au a aferika ma o le alii niusila o Matt Sexton sa avea ma faiaoga a le Kings i le masina o Aperila i le Currie Cup.
————–
O le taeao analeila sa tau sailia ai e leoleo se alii na lavea lana taavale i se roundabt i papatoetoe ma tau matapogia ai ae tei ua toe alu ese mai lana taavale.Fai mai o le taavale na agai ane i le auala o St George poo le tea laiititi o le afa o le omno i le taeao ae tei ua taia ai se pito o le roundabt ma foliga mai ai o loo matapogia ae tei ua toe vaaia ua toe alu ese mai le taavale ma sa tu mo sina taimi i tala ane o le aogaa le holy cross ao lei toe agai ese atu i Great south road.O loo fia maua e leoleo le alii lea ma e laititii se vaega o le roundabt o loo faaleagaina i le faalavelave lea analeila.
——————–
O le aso ua lagolagoina ai e le pulega a aukilani le taofia o le taumafa tapaa i nofoaga faitele i aukilani ae e tautino i le taugata o le faataunuuina o lea fuafuaga. O le komiti o mataupu tau atinae i le komiunitiua o latou tetee i se tulafono faaofi e faasa ai le taumafa tapaa i nisi o nofoaga ae u a o latou lagolagoina le faasa o le taumafa tapaa i nofoaga faitele ma isi nofoaga e pulea e le council. O le tau o le faagaioia o le tulafono taufaaofi lea e oo atu ile 164 afe ae o nisi nofoaga i aukilani e le mafai ona taumafa ai le tapaa e aofia ai le zoo, Eden Park ma Mt Smart. O le fuafuaga 30 tausaga a le Council e talosagaina ai le galulue faatasi o le council ma le malo ma isi ofisa e faatatau i ni avanoa e faatino ai le faasaina o lle taumafa tapaa i nofoaga e pei o paka, vaitaele, nofoaga faitele mo femalaaiga aemaise o malae taalo.
———————–
O le soona puputa o tamaiti ma le fatupulaia o le gasegase o le suka i lona vaega lua e masani ona aliae i aso taitasi i talanoaga ae o se tasi tama taalo iloga a niusila o Monty Betham o loo ia galueina foi se fesoasoani mo lenei matuapu. O Betham ma lona tuafafine o Chante Betham Spencer na o la amataina le Steps for Life Foundation lea e fesoasoani ai i tuulaga talavou ma o latou aiga ina ia ola maloloina., Taua e Betham o se tasi foi o alo o oSamoa o ana polokalame e faatatau i le faaitiitia o le soona puta ma e faia uma ana auaunaga e aunoa ma se totogi. O se tasi lenei o fuafuaga ua taua e le au faasalalau ele taumate o le a tele se fesoasoani i alo ma fanau ma aiga ma o se fuafuaga lelei tele.
——————
Ua faamanino lelei e le faamasino i se tasi tina le faigata ona ia malamalama ma faamatala le ituaiga gaioiga sa ia faia o le ave o le taavale ae o loo faasuaava ae sii leisi pepe i ona vae ae faanonofo isi tamaiti e toalua i nofoa e leai ni fusipau. O Tinylee Alvina Martin 24 tausaga sa tulkai i le faamasinoga i Opotiki i le aso anana ma ioeina moliaga o le avetaavale faatamala ao loo faaleaogaina foi lona laisene. O le aso 15 o Iuni na taofia ai e leoleo ma iloa ai le faaletonu lea. E 10 masina ua faasala ai e nofo i lona aiga ma ua faatonuina foi e ao ona faauma se tasi o polokalame e tatau ona auai ai i Rotorua. Fai mai le faamasino e ese le faafefe tagata o gaioiga sa faia e lea tamiatai ma sa matua lamatia ai ola o tamaiti.O se tasi tuutuuga o lona faasalaga e le tatau ona toe taumafa ava poo se fualaau faasaina foi, fai mai le faamasino afai ae le usitaia tuutuuga ia o le a toe lauina loa seisi iuga mo ia.
——————–

E toalua suetusi mai ueligitone ua faasala nei e tai valu tausaga i le falepuipui i le aso ina ua faamaonia moliaga o faiga taufaasese faasagai le IRD. O le faamasinoga maualuga i ueligitone na lau ai iuga o Barrie James Skinner lea ua faasala i le valu ma le afa tausaga i le falepuipui ma David Inram Rowley valu tausaga ua faasala ai ona o faiga taufaasese e faatatau i lafoga ma le taumafai e taofi le faatinoina o le amiotonu, Lipotia ua maea ona toe totogi tupe a nisi na aafia i le mataupu lea ae tele lava se vaegatupe na maua ai a le toalua lea ma ua faabankrupt uma nei i laua ele faamasino. O leisi suetusi mai ueligitone foi sa falepuipui i le tausaga na tea nei ae faasala la i lona aiga mole 10 masina
————————
Ua tuuaia le minisita o aoga i le soona faaoga le talafeagai o lona tulaga e vaai ai faamaumauga o faiaoga. O le faipule o le leipa o Chris Hipkins na ia tali i le mataupu lea i tusi a faiaoga ua tetee ai i gaioiga sa faia e le minisita ua talanoa ai agai i le fono faatonu ma pule aoga ae le talanoa sao i faiaoga. O le faamatslaga a Hipkins na taua ai o afai ua faaaoga e le minisita faamaumauga faalilolilo o faiaoga e sailia ai aoga o loo faigaluega ai faiaoga ia o lona uiga ua matua sese le faaaogaina o lona malosiaga faaminisita. O le manatu faaalia o le faipule o le leipa e ao i le palemia ona faia se suesuega i le mataupu lenei.
————————
E iu ina lagolago e le pati a le Leipa le pili a le Green Party lea e ono mafai ai ona maua faamanuiaiga mo aiga i le in work tax credits tusa lava poo le a le tulaga o iai nisi e le faigaluega. O le gaioiga lenei a le leipa i le faiga palota talu ai ae na toe faasee ese ai le leipa mai lea fuafuaga. ae ua faaalia nei e nisi o ona sui o le a o latou lagolago le pili a le Green i le faitauga muamua.
——————–
E ui i le sologa lelei o faiga a Kim Dotcom i le faamasinoga lea o loo finau ai ae iai le talitonuga e tele foi nisi metotia o loo fuafua mai e le FBI. Faamatalaga mai nisi popoto i le tulafono i niusila nei ua taua ai e faapea o le faia o le faaiuga a le faamasinoga e ao i le malo tele o amerika ona tuuina atu nisi faamatalaga e faatatau i le talosaga ina ia faafoi atu Dot com i amerika e faia ai lona faamasinoga, lea ua manatu ai le toatele o le sao tonu lava lea o le faagasologa o ituaiga mataupu faapea i le faamasinoga. O le manatu faalia o le toatele o i latou ia e faapea o loia ia o loo tutu mo Dotcom i niusila nei e aupito i lelei ma e le taumate e tatau ona sologa lelei le faagaioia o lona faamasinoga.
——————-
Ua faalauiloa e le kamupani a le Ea Pasefika nisi suiga fou i luga o le vaalele ma o le a amata vaaia ma faamamallu ia faiga fou i le tausaga fou. O le logo fou a le kamupani vaalele o le a tuuina i luga o isi ana vaalele fou e tolu lea o le a taunuu mai i le masina o mati o le tausaga fou. I le ogatotonu o le vaalele o le a lomia ai se isi faailo fou o le Masi lea e iai le sootaga ma ni vaega o le aganuu a Fiti. Fai mai le ofisa sili o le air pacific o se taumafaiga sa gapatia ai le pulega aua le toe faaleleia atili ma le toe siitia o le brand poo le kamupani vaalele foi e pei ona amata galueaina i le tausaga na tea nei,