Masalo e toatele nisi o loo fia maimoaina ma feiloai i le au lakapi a le Kolisi o Nuuausala lea o loo malaga asiasi mai i niusila nei. O le po ananei e faia ai a latou faafiafiaga i le Ekalesia Faapotoptoga Kerisiano Samoa i Magele i sisifo i le ta o le fitu i le afiafi. Faamaonia mai le faamatalaga e le susuga i le faafeagaiga o le EFKAS i Wiri, susuga Mafutaga Faaleaoga lea o loo talimalo ma lana ekalesia i lel malaga ale Kolisi. O loo faamautu le aumalaga e toa 40 i le fatugatiti Malae i le ekalesia Pic i Wiley Rd Papatoe.O le susuga i le puleaoga le faifeau o Fuatimu Posese lea na taitai maia le malaga e aofia ai le au taalo e 29 ma ona ofisa faapea foi le sui o le asosi a matua ma faiaoga. O le taaloga muamua a le Kolisi o Nuuausala ma le Kolisi a Papatoetoe na manumalo 14-0 ae ua fuafua o le aso toonai nei lana taaloga lona lua ma le kolisi a Otahu i le malae o el aoga. O le latou taaloga faaiu i le vaiaso fou i le aso lulu e taaalo ai ma le au a le Southern Cross ma toe taliu ai loa i Samoa i le aso faraile o le vaiaso fou lava.