O le alii niusila o Steve Walsh lea o le a laufaliina le taaloga o le finals i le po o le aso toonai o le vaiaso nei i le va o Chiefs ma le Sharks i Hamilton. O Walsh ua faasee atu i Ausetalia e faaauau ai lana galuega o le laufali ma o loo sau ai lava la i le faasologa lea lona tofiga e avea ma laufali i lea taaloga. O ia foi sa laufaliina le taaloga semi final i le va o le Sharks ma Stormers i le faaiuga o le vaiaso i Durban lea na malo ai le Sharks ae o le laufali mai aferika i saute o Craig Joubert sa faia le taaloga i le va o le Chiefs ma le Crusaders lea ua maua ai le avanoa o le Chiefs i le sailiga siamupini. O le afa o le fitu i le afiafi o le aso toonai ua fuafua e amata ai lea taaloga mataina e sailia ai le siamupini i le super rugby i le tausaga lenei 2012.