O le tama aoga mai aukilani o Peniata Jr Endermann lea o loo taua i se lipoti i le aso i le Stuff e faapea e nao le 16 ona tausaga ae ua faigaluega nei 25 itula i le vaiaso e fesoasoani i le faaaoogaina o nai ona tei ma fesaosoani i lona aiga. O le alii o Peniata e aoga i le kolisi a Edgewater amata mai le lima i le afiafi i le 10 i le po mai le aso gafua i le aso faraile ma e 13.85 i le itula lona totogi . O le tala faatatau ia Peniata leisi tala na fofogaina i le feiloaiga mo talavou i mataupou tau galuega i le vaiaso nei i aukilani. Sa faalogoina ai foi ma tala e faatatau i aiga e taitoatasi matua o iai ma le faigata ua iai nei le tulaga tau tupe i le tausiga o le aiga.O faamaumauga uma ia ma faamaoniga e pei ona saunoa ai le tamaitai taitai o le Every Child Counts o Liz Gibbs e faapea o itu ia e iloa ai le faigata o le tau o le soifuaga ua iai i le taimi nei ma e ao ona iai le aia tatau i le tamaititi e faauma ai lana aoga .Taua foi e lea tamaitai o le tali lelei i le mataupu e faatatau i le mativa o le soifua maloloina lea o matua,aoaoina lelei ma ia mafai ona faigaluega ma ua ia lagolaogina foi se lipoti mai le Childrens Commission i le vaiaso nei e faatatau i penefiti e ao ona maua e le tamaititi.