O le alii fai faatoaga o Ewen McDonald e lau i le aso lona iuga i nisi o moliaga faia faasaga ia te ia ese mai le moliaga o le fasioti tagata e lei faamaonia i le mataupu ia Scott Guy. O le faamasinoga i Palmerston North na lau ai le iuga o Mcdonald i le aso lea e tolu moliaga na ia ioeina e aofia ai le susunuina o se fale i fanua o Scott Guy ma le tusitusia o se fale sa fausia foi o le ua maliu ma lona toalua. Na ia tautino foi i le faaleagaina ma le faaumatia o meatotino a se tasi faatoaga e lalata ane faatasi ai ma le faalaloina o nisi o manu papalagi e le o ia e ana. Fai mai se faamatalaga a le toalua o Scott Guy le tamaitai o Kyley sa faia i le au faasalalau e iu ina agai ese ma le atunuu pe afai e le umi se faasalaga o Mcdonald i le falepuipui e tuuina mai e le faamasinoga i le aso. Ua faamaonia mai i lipoti lata mai i le aso ua loka nei Ewen mo le lima tausaga i le falepuipui.