Na talia lelei ele aiga o si tina Tonga lea na maliu i le vaiaso na tea nei i Otara le taunuu atu o malu o le malo i toe sauniga o le tina i le aso ananafi. O Liku Onesi e toafa nai ona alo ma sa faamavae iai le toatele i le malumalu o le ekalesia metotisi tonga i otara i le aso ananafi ma sa iai foi ma si ona toalua lea na lavea foi i le faalavlave faatasi ai mai o la alo; Lipotia mai sa faaavanoa lelei laina e lua o nofoa i le pito i luma o le malumalu mo leoleo e toa 20 na auai atu i le sauiniga o le maliu ma sa faafeiloaia mai ele aiga ina ua taunuu ane. O molimau o le tina na taua ai o se tagata e fiafia tele e auauna i le ekalesia ma o aso lulu uma e nate teuteuina lelei ai le malumalu mo a latou sauniga o le vaiaso e pei ona ia faia i le taimi na malaga ane ai ma lona toalua i le aso lulu lea ae tupu ai loa ma le faalavelave. Na poloka e leoleo se vaega o Ormiston Rd i fafo mai o le falesa ma faafeao mai ai le sa o le tina agai atu i le fanuatanu i Papatoe ma sa tulaga ese foi lea sauniga i le aso ananafi i le faalo a leoleo mo sia tina ona o le faalavelave na tulai mai ua uma ai lona soifua. Ua aumai nei se alii suesue mai fafo atu o Aukilani e nate taitaia le suesuega o loo faia i lenei faalavelave.