O le tamaitai o Sophie Pascoe na avea ma ave fua a niusila i le tapunia aloaia o taaloga Paralympics mo i latou e iai manaoga faapitoa lea ua faaumaina ma le manuia. O le tamaitai niusila lea o Sophie sa ia maua pine auro e tolu ma siliva e tolu mai ana taaloga e ono na atoa ai le 17 o pine a niusila mai lenei faamoemoe e ui e nao o le 24 le au taalo sa iai. O le tamaitai 19 tausaga o le taimi muamua lea ua oo ai i totonu o le nofoaga tele sa faatautaia ai le sauniga, na ia famatala ai lona mimita e avea o ia ma tagata niusila.O nisi o faafiafiaga sa faauma ai lenei taumafaiga na vaaia ai foi nisi iloga o lelalolagi i faafiafiaga e pei o Jay Z ma le tamaitai pese o Rihanna ae e silia ma le 4200 le au taaaalo mai atunuu e 164 sa auai ai ilenei faamoemoe. Ua molimau nisi o se tasi lenei o tauaofiaga tele o tagata taaalo ma ua siitia foi le tulaga o taaloga nei a i latou e iai manaoga faapitoa.