O le faatuai ona faaulu au soka a Samoa ma Papua New Guinea I le tausinioga o le Oceania mo tamaitai I lalo o le tai 20 tausaga le matutua ua toe tolopo ai le taamilosaga sa tuu e talimalo ai Aukilani I le faaiuga o le masina nei. O le traamilosaga lea e saili ai au e mafai ona agavaa mo le tausinioga tele ia Aukuso o le ipu o le lalolagi I le soka I le vaega lava lea I lalo o le 20 tausaga e faia lea taamilosaga I Iapani; E nao Niu Sila ma Niu Kaletonia sa muai faaulu mo le Oceania ma ua manatu ai le fono faatonu a le Oceania ua alaga tatau ona toe tolopo sei toe fetuunai ma sauni au ia ua toe faaulu atu mo lea taamilosaga. O loo Iloilo I le taimi nei poo le a tonu le aso ma le nofoaga o le a faataunuu ai lea faamoemoe I se taimi o lenei tausaga. E tatau ona faia lea taamilosaga ae toe tolu masina oo I le taamilosaga o le ipu o le lalolagi. E le o taua pe na mafua I se a ona faatuai ona faaulu le au a Samoa.