O le tamaitai lea na pue e leoleo i le malae vaalele i Ueligitone e toe tulai i luma o le faamasinoga i le taeao nei. O Susan Horrobin na maua e leoleo i le aso lua o le vaiaso nei ina ua taunuu atu se faigamalaga mai Aukilani nei na malaga atu ai lea tamaitai ma le tusa ma le 4 afe o le tau e faatau ai fualaau faasaina o le aisa. E 54 tausaga o lenei tamaitai na maua foi iai isi ituaiga fualaau o le ecstasy ma le LSD ma se vaegatupe tele. O lse satini sinia o Warwick McKee na ia faaalia o Aukilani leisi maketi lea o loo alu atu ai le sapalai a Ueligitone i ituaiga faapenei o fualaau e fuafua lelei lona faatauina. Na ia faaalia foi o le maua o le tamaitai lea ua tulai ai ma se faaletonu tele i Ueligitone i le au faatau ma le au sapalai aisa e le taumate lea sa talitali mai i le taimi e taunuu ai lea tamaitai.