E 5.2 ma le 5.4 le malolosi o aftershocks poo mafuie ia na toe lulu i le po anapo i Christchurch ma nai isi lulu faaopoopo e le malolosi tele na afaina ai foi lea pitonuu i le po anapo. O se lipoti mai Christchurch ua taua ai le tulaga ese o le faapopoleina o tagata i lea faaitu aemaise o nai fanau iti ona o le lulu soo o mafuie.Molimau nisi ua silia ma le 100 aftershocks poo lulu na toe tulai mai i le maea ai o le mafuie tele i le aso toonai ma ua silia nei ma le selau afe fale ua faaleagaina, o isi fale ua le toe aoga ona aumau ai tagata .O le faamatalaga ale palemia o loo faaalia ai o mea faaleagaina i luga o le fogaeleele o loo mafai ona tuu iai se tau ma iloa foi peitai o le faaleagaina o le manava o le eleele e le mafai ona iloa i le taimi nei ma e faigata foi ona iloa. Fesiligia le palemia i ni fesoasoani mo i latou e le o iai ni inisiua, tali John Key o le feau lea ua sau ma le mafuie lenei ina ia fai ni inisiua e fesoasoani ai i taimi faapenei o le soifuaga ma o le a faatalanoa lava le tagata ma lana mataupu ma iloa ai le tulaga tau fesoasani mai le malo.