O le pepa o faamatalaga mai le ofisa o le sooupu a le malo o Samoa ile faaiuga o le vaiaso o loo lomia ai se lipoti o loo faaalia ai se saunoaga a le alii palemia o Samoa Tuilaepa Sailele Malielegaoi o loo taua ai se faamatalaga e faapea ua faailoa ane le afioga i le ao mamalu o le malo o Samoa le faasee tuagalu o lona finagalo na iai muamua e uiga i le faia o se komisi suesue e tusa ai o le mataupu i le va ma le afioaga o Lufilufi. O le finagalo faaalia o le alii palemia o lea faaiuga e le gata o se tofa faatupu ae o foliga vaaia o le tapuaiga mamana a le atuinuu aemaise o le au fai tatalo i tootoo o le talalelei ina ia tumau pea Samoa i le agaga moni o lona faavae, e faavae i le Atua Samoa.