O le naunautaiga ina ia taofia le tutulai o le tupulaga talavou faapea foi tamaiti i totonu o faamasinoga o loo finauina nei e le komisi o aia tatau. I sana lipotia sa faamatuu i le komiti o iloiloga a malo aufaatasi o loo taua ai e tatau ona sii i luga e niu sila le tausaga lea e tatau ai ona tulai le tamaititi i le faamasinoga pe afai ua sese pe soli foi le tulafono.O le faamatalaga a le komesina o aia tatau o Rooslyn Noonan o le sii i luga o le tausaga o le tamaititi i tulaga faapea e le faapea ai ua le faia iai se fuafuaga pe afai e soli le tulafono. O lo latou manatu afai e tulai se tamaititi poo se talavou foi i luma o le faamasinoga i se tausaga ititii o lona olaga, o le ata lava lea o le a iai pe a matua ane o le a le fou foi ia te ia lea tulaga.O le taimi nei i faamaumauga o loo iloa ai e 14 soligatulafono ua aafia ai tupulaga ma tamaiti i tausaga ia o loo finauina nei, o le 12 o ia solitulafono e tuga aemaise lava o le 10 lea mo moliaga o le fasioti tagata ma le fasioti tagata paivalea. Fai mai foi le tamaitai komesina na pau lava le mea e manao iai le o loo aafia i se faalavelave o le taui atu o le sa ia faatupu le faalavelave, o lea faiga e mafai ona iai nisi auala e soalaupule ai e maua ai tali nai lo le faatu i luma o le faamasinoga.