O se alii sa ia faaoolima i lana uo na iu ina maliu ai i le maea ai o sa la inuga ava i se tasi o po, ua faailoa mai ua faasalaina nei i le falepuipui mo le olaga atoa.O Raymond Mahuki 44 tausaga na faamaonia le solitulafono o le fasioti tagata ia Bala Mcqueen i lona aiga i Hamilton o le tausaga na tea nei.Sa faatoese lea alii i le aiga o le ua maliu ma ia faamatala e matua ona leiloaina pe aisea ua ia fai ai lea tulaga i si ana uo.O le ua faasala nei na molia foi muamua ma falepuipui i moliaga e 24 ua faamaonaaia foi, e aofia ai moliaga o le faaoolima , gaoi ma le osofaia o leoleo.