O le aso a taeao e ono maua ai se avanoa taua tele ma le aoga e faamanatu ai le aso sa o tama mo nisi o aiga i Aukilani nei pe a faaaoga le avanoa e maua mai se tasi o polokalame ua mafai ona tuufatasia e faataunuuina i le fale mataaga i Aukilani le Museum.O se tasi o tagata kuka lauiloa o Michael Meredith o le a ia faaaoga tu ma aga faasamoa e faatino ai taumafa samoa ole a mafai ona maua iai le avanoa o soo se tasi e auai ai ilea faamoemoe.  O le a usuina ai foi e le aufaipese a le EFKS le vii o le malo samoa ma isi pesepesega.O vaega uma ia e aofia ai i le polokalame faasolosolo faaigoaina o le The World on your Plate, o le a faia i aso taoonai taitasi seia oo i le faaiuga o Oketopa , o le a faatauaina ai atunuu o loo aumau o latou tagata i niusila nei. E avanoa soo se tasi i lenei faamoemoe e mafai ona tofo ai taumafa ma silasila foi i le faatauaina o le tatou aganuu i lea vaega o aukilani. O se polokalame taua foi mo le aiga e mafuta ai tama ma le tina ma le fanau ma faamanatu faatasi  ai le Samoan Cuisine ma le aso sa o Tama o lenei tausaga.E leai se totogi o lenei polokalame e amata i le 11 i le taeao i le 3 ile afiafi.