Faateia leoleo i Waikato i gaioiga a se tasi o alii talavouo na ia aveina le taavale i le saosaoa toeititi oo i le 190 km i le itula ae faasuaava. O le alii talavou lea e 20 tausaga mai Rotorua sa malaga agai i Huntly i le state highway 1 i le faaiuga o le vaiaso ma e 188 km i le itula le saosaoa na alu ai. O le satini leoleo mai Waikato o Jeff Penno na ia faaalia e lei tu le talavou lea ina ua tuli e leoleo ae o se taimi mulimuli ane na maua ai e leoleo le taavale o loo lavea i Tainui Brodge ae maua atu le talavou lea sa avetaavale i se fale lata ane lea ua molia nei i le ave taavale faatamala ma le le tu i leoleo ina ua taofia aemaise o le ave taavale ao faaleaogaina le laisene.