E 15 afe tala niu sila se vaegatupe na maumau a se ulugalii mai Greymouth ona o ni faiga taufaasese i luga o le intaneti. O le satini leoleo o Jackie Adams mai le ofisa i Greymouth na ia faaalia o le ulugalii lea na matua faaalia lo la lilivau tele i faiga taufaasese ia ao taumafai e faatau sa la taavale i luga o le intaneti. Na amata lenei mataupu ina ua tuu sa la tauofo i luga o se taavale sa lisi ane i Ueligitone i luga o le Trade me. Ina ua tapunia lea tauofoga ae lei manuia le la peti na toe fesootai ane se tagata ia i laua e faapea ua toe lisiina le taavale lea ma ua manumalo ai i laua. Na tuu ane i le ulugalii se upega o fesootaiga sese e le tagata lea na faatauina le taavale ma tau iai e tatau ona totogi le tau o le taavale i totonu o se account, ina ua uma ona totogi le 15 afe na tuu ane ele tagata lea se numera sese o le telefoni i Ueligitone lava e piki ai le taavale peitai e agai atu le ulugalii e leai ma se tasi i lea numera ma faamaumauga na tuu ane .Faavave ona toe foi le ulugalii i le faletupe e taofi le alu a le 15 afe peitai o le faamatalaga a le Bank o le tupe ua uma ona alu sao i le Barclays Bank i Peretania. E fesootai atu iai ae faailoa mai e le faletupe lea o le seleni ua uma ona tala i tua, O se mataupu e ao ona aoaoina ai soo se tagata i le ogaoga o faiga taufaasese i luga o le intaneti.