Ua maua i faamatalaga a leoleo e foliga mai o loo ua siisii foi i luga le numera o faalavelave o vevesi e tulai mai i totonu o aiga aemasie lava i vaega o christchurch lea na aafia i le mafuie. O le faamatalaga a leoleo na faaalia ai e 53 pasene lea ua siitia i le numera o vevesi e tulai mai i aiga, o isi ulugalii ua misa ai lava i le faaiuga e tatau ona faia io latou maota ma laoa ua faaleagaina. Faailoa e leoleo ua tulaga ese le oso maualuga o faalavelvae faapea lipotia atu mai aiga ma o loo fautua foi i tagata ina ia manatua lelei o loo tau sailia se fesoasoani mo i latou i le taimi nei.Mai le taimi na lulu ai le mafuie i le aso toonai talu ai i le 4.35 i le taeao seia oo mai i le afa o le lua i le aoauli e 61 lelei faafitauli faapea o vevesi i aiga na lipotia atu i le ofisa o leoleo.Manatu faaalia o nisi i lenei mataupu e sili ai pe a tuu ae agai e saili fesoasoani mo aiga aua e le taumate poo seisi lea mafuaaga ua umi ai ona lulu soo mafuie i Christchurch.