E toatolu ni tamaitai na maliliu uma i le po anapo ina ua fetoai ni taavale se lua i le state highway 2 latalata i Maramarua i le tea o le 8 i le po anapo. O tamaitai ia e toatolu sa omia ai i totonu o le taavale ma maliliu ai lava ae ole avetaavale o leisi taavale na auina atu i le falemai mo togafitiga. O se alii fuimu volunteer sa iai i le taimi lea na tupu ai le faalavelave na molimau ai i le maseesee o le alatele ae o se tulaga faanoanoa na iai ona e taunuu atu e tau fai se galuega fesoasoani i nai tamaitai peitai ua tuai. Faailoa e le alii fuimu e foliga na sesee taavale ia i le maseesee o le alatele ma ua fiu e toe tau faasagatonu atu a ua tuai ma mafua ai loa ona fetoai. O loo suesue nei e leoleo lenei faalavelave.