O se tamaititi e nao le lua tausaga mai Indonesia na te ulaina ni sikaleti e oo atu i le 40 i le aso ua faailoa mai ua taofia lea amio ina ua maua se fesoasoani faapitoa mo le faafitauli. E matua ofo le toatele i lenei lipoti pe a faalogoina i itu e fia o le lalolagi , o le tamaititi o Ardi Rizal e tagi lava i le sikaleti toeititi taimi uma o le aso. O lona tama na aveina iai le uluai sikaleti sa ia ulaina ma o le lipoti na taua ai o le tamaititi lea e puta tele e totitiiti lua pepa sikaleti i le aso ma e matuai ita tele pe a le tuuina iai le sikaleti pe a manao ane. O le masina o Iulai o le tausaga nei na oese mai ai ma lona tina mai lo latou nuu o Sumatra ina ia faia ni togafitiga lea la ua faailoa mai ai le tala fiafia ua mafai ona taofi le toe fia ula sikaleti a ua amata ana togafitiga e toe sologa lelei lona ola maloloina o se tamaititi. Pau le manatu taatele o tagata na faaalia i lenei mataupu o le vaivai o le tama o le pepe ma lana gaioiga sa faia ua mafua ai le faaletonu.Faafesili mai se tasi toeaina samoa i talafou pe ono mafai ona maua se avanoa e talosagaina ai le aumaia o lea tama i niu sila nei sei ona fesoasoani i le aoaiina o lona mafaufau i tiute faatama.