Ua faailoa mai le tau fai lolofi ane o fesoasoani i Christchurch mai pulega o aai eseese i le atunuu i le aso. O Nelson ma Tasman ua tuuina ane le au inisinia ma le au asiasi e fesoasoani i galuega toe faaleleia o le aai ae toaono foi nisi o au faufale mai Ueligtone ma i latou e popoto i le fausia o fale o le a fesoasoani atu e soo soo tauau ma nai tagata faigaluega a Christchurch ua pagatia i galuega o loo taumafai e faatino i le taimi nei. O leisi toa 18 o tagata faigaluega i le itu tau le suavai o loo ua faatalitali nei mo se taimi e valaau ane ai le latou auaunaga ae ua faailao foi e aai i le itu i matu o niu sila o loo nofo sauni nei e talitali mai se valaau mai Christchurch mo nisi e manaomia ona faapea lea ona faia. O Waikato ma Napier i le vaega o le puipuiga o loo faatalitali foi mo se faatonuga i le taimi nei ae o le faletupe o le westpac ua amata ona tatala tusi tupe e tuu iai meaalofa a atagata mo e o loo aafia o latou maota ma laoa ma meatotino i le mafuie malosi aemaise mo le faatauina o taumafa. O ni seleni e maua mai ia tusi o le a tuuina i le Salvation army mo le tufatufaina.