O le vaega faaupufai a le Family First o loo valaau nei i le Health Practitioners Tribunal ina ia faailoa ane le igoa o le fomai lea ua faamaonia le solitulafono i lona umia o ni ata le talafeagai o ni teineiti laiti. E 25 moliaga o tulaga faapea objectional material e aafia ai le alii fomai lea.O le finau a le family first e tatau ona faailoa le igoa o lenei alii ina ia puipuia ai tina ma tamaitai aemaise lava i le fanau mai le toe agai iai i taimi o gasegase e ui o lea ua maea ona faia le faaiuga a le Tribunal e faamalolo ai lona laisene fomai mo le iva masina. Fai mai le finau a le taitai o le vaega faaupufai Bob McCoskrie o le aia tatau a le fomai i le talosagaina o le natia o lona igoa e le lotea ae e tatau ona sili atu le taua o le aia a gasegase e silafia ai le ituaiga tagata o loo agai iai mo togafitiga aua le puipuia o le soifua.